Озбекстан республикасы ауыл хожалыгы министрлиги

Магистрлик диссертациясига тақризчи (оппонент) тайинлаш ва расмийлаштириш

Магистрлик диссертациясига тақризчи (оппонент) тайинлаш. Магистрлик диссертацияси ѐзиб бўлингандан кейин илмий рахбар хулоса тайѐрлаб кафедра мудирига тақдим этади. Якунланган диссертация иши кафедра мажлисида муҳокама қилинади. Кафедра муҳокамасида диссертация юзасидан аниқланган камчиликларни бартараф этади.
Диссертация иши тайѐр бўлгандан сўнг кафедра томонидан ички тақризчи белгиланади.
Магистрлик диссертациясининг тақризчиси (оппоненти). Магистрлик диссертациясига юқори малакали, фан доктори ѐки фан номзоди илмий даражасига эга бўлган профессор ва доцентлар, шунингдек, давлат ва жамиятни модернизация қилиш, бозор иқтисодиѐтини ривожлантириш, ишлаб чиқаришни модернизация қилиш, ривожлантириш ва ахборотлаштириш шароитларида юқори иш тажрибасига эга бўлган Ўзбекистон Республикаси Фанлар академияси ва тармоқ илмий-тадқиқот институтлари олимлари, Ўзбекистон Республикаси Қишлоқ хўжалиги вазирлиги, соҳалар бўйича юқори ташкилотлар ҳамда ишлаб чиқаришнинг юқори малакали амалиѐтчи мутахассислари ташқи тақризчи этиб белгиланиши мумкин.
Кафедра мудири мутахассисликлар кесимидаги битирувчи магистрантларнинг фамилияси, исми, шарифи; диссертация мавзуси; илмий рахбарнинг фамилияси, исми, шарифи ва илмий даражаси, унвони; тақризчининг фамилияси, исми, шарифи ва илмий даражаси, унвони; диссертация ҳимояга қўйиладиган кун, ой, йил; диссертация ҳимоя қилинадиган хона ҳақидаги маълумотларни қамраб олган жадвални Магистратура бўлимига топширади.
Магистратура бўлими кафедралардан йиғиб олинган мутахассисликлар кесимидаги маълумотларни умумлаштириб, буйруқ лойиҳасини тайѐрлайди ва уни университет ректорига тақдим этади.

3. Магистрлик диссертациясининг қисқача асосий мазмуни (аннотация), илмий рахбар ва тақризчиларнинг хулосаси

Магистрлик диссертациясининг илмий рахбар хулосасига қўйиладиган талаблар. Илмий рахбар томонидан ѐзилган диссертация тўғрисидаги хулосада ишнинг долзарблиги, илмий янгилиги, илмий ва амалий, ижобий томонлари аниқ далиллар асосида атрофлича таҳлил этилиб, диссертациянинг тугалланган ѐки тугалланмаганлигини кўрсатади ва хулоса беради.
Диссертация якунланганлиги тўғрисидаги илмий рахбарнинг хулосаси илмий рахбар томонидан имзоланади ва ОТМ, тармоқ институтлари ѐки буюртмачи ташкилотларнинг муҳри билан тасдиқланади. Магистрлик диссертациясига ѐзилган хулоса камида 2 саҳифа бўлиши тавсия этилади (7 илова).