Озбекстан республикасы ауыл хожалыгы министрлиги

Магистрлик диссертациясининг ѐзилиш тартиби

Магистр даражасини олиш учун тақдим этилган диссертация фаннинг тегишли соҳаси учун аҳамиятга молик масала илк бор ѐки янгича ҳал қилинган ѐки муаллифнинг амалий масалаларни ҳал этишни таъминловчи илмий жиҳатдан асосланган техникавий, иқтисодий ѐки технологик тавсиялари ўз ифодасини топган илмий иш ҳисобланади.
Магистрлик диссертацияси шахсан ѐзилган бўлиши, муаллиф ошкора ҳимоя учун Давлат аттестацияси аъзоларига тақдим этаѐтган янги илмий натижалар ва ҳолатларнинг мажмуини ўз ичига олиши, моҳиятан ички бирликка эга бўлиши ва унда муаллифнинг ўз кузатишлари, изланишлари акс этиши лозим. Муаллиф томонидан олинган ечимлар илмий жиҳатдан асосланган ва бошқа маълум бўлган ечимларга нисбатан қиѐсланган ҳолда таҳлилий баҳоланган бўлиши керак. Диссертацияда бошқа адабиѐтлардан фойдаланилганда ҳаволалар аниқ кўрсатилиши лозим. Бошқа диссертациялардан, адабиѐтлардан ҳавола берилмасдан кўчирилган диссертациялар аниқланганда, диссертация ишлари ҳимояга тавсия этилмайди. Бошқа диссертациялардан, адабиѐтлардан ҳавола берилмасдан кўчирилган диссертация ишлари ҳимоядан “муваффақиятли” ўтиб кетганлиги аниқланган ҳолда магистрант, илмий рахбар ва диссертация ишини муҳокама қилган кафедра факултет ўқув-услубий кенгашида белгиланган тартибда кўриб чиқилади.
Амалий аҳамиятга эга бўлган магистрлик диссертациясида муаммонинг аниқ ечими ва муаллиф эришган илмий натижалардан амалиѐтда фойдаланилганлиги тўғрисидаги маълумотлар, илмий аҳамиятга эга диссертацияда эса илмий хулосалардан фойдаланишга доир аниқ тавсиялар берилиши лозим.
Магистрлик диссертациясининг тили. Диссертация магистр талабаси таълим олган тилда ѐки хорижий тилларда ҳам ѐзилиши мумкин. Диссертацияларга рус ва инглиз тилларида 1-2 саҳифадан иборат диссертациянинг қисқача мазмуни илова этилади. Диссертация илмий услубда, муайян фан соҳасида қабул қилинган атама ва ибораларни тадбиқ этган ҳолда, имловий ва услубий хатоларсиз ѐзилиши шарт.
Магистрлик диссертациясида ишлатилатилган атама ва белгилар бутун диссертация давомида бир хил бўлиши, улар илмий жамоатчилик томонидан кенг қўлланилаѐтган бўлиши зарур.