O’zbekstan meniń Watanım

Aylıq tema: “O’zbekstan meniń Watanım”
Háptelik tema: Men hám meniń shańaraǵım
Sálemlesiw:
Tárbiyashı: Assalawma aleykim xúrmetli kásiplesler. Sizlerdiń názerińizge búgingi 9-úlken topar menen birgelikte “Meniń shańaraǵım ” atlı temasındaǵı sabaǵımızdı usınamız.
Qánekey balalar tárbiyashı apalarımız benen salemlesip alamız.
Balalar: Assalawma aleykum, xosh kelipsiz!
Tárbiyashı: Bárekella balalar, balalar jaqsı dem alıp keldińizbe? Balalar dalada hawa rayı qanday? Salqın, durıs. Sizler azanda baqshaǵa kiyatırǵanda tońdıńızba, balalar tereklerdiń japıraqları qanday, sarǵayǵan, quwraǵan, balalar sizler qanday kiyinip júrsiz, jıllı kiyimlerininzdi kiyip jursiz, aspanda quyash barma? demek bul qaysı mawsim eken? Gúz máwsimi.
Maqset:
Tálimiy:
Minnet, huqıq haqqındaǵı túsiniklerdi bekkemlew, balalarda o’zleri qıyalındaǵı suwretke qaraǵanda emociyanal múnásibetti oyatıw. boyawlardan erkin paydalanıwǵa úyretiw.
Tárbiyalıq:
-Shańaraq, onıń aǵzalarınıń qádirine jetiw, olardı húrmet qılıw sıyaqlı joqarı tárbiyalıq páziyletlerdi rawajlandırıw, shańaraq abıroyın aqlaw: jaqsı shańaraq, tatıw shańaraq degen attı saqlaw olardin minneti ekeninligin balalardıń sanasına sińdiriw.
Rawajlandırıwshı:
-Balalardıń erkin do’retiwshi pikirlew qábiliyetlerin o’siriw, olardin soylew tilin rawajlandırıw.
Kútilgen nátiyje:
Minnet, huqıq haqqındaǵı túsinikleri bekkemlenedi, balalarda o’zleri qıyalındaǵı suwretke qaraǵanda emociyanal qızıǵıwshılıq oyanadı, boyawlardan erkin paydalanadı. Shańaraq aǵzalarınıń qádirine jetiw, olardı húrmet qılıw sıyaqlı joqarı tárbiyalıq páziyletleri rawajlanadı, shańaraq abıroyın aqlaw: jaqsı shańaraq, tatıw shańaraq degen attı saqlaw olardin minneti ekeninligin balalardıń sanasına sińedi, Balalardıń erkin do’retiwshi pikirlew qábiliyetleri o’sedi, olardin soylew tili rawajlanadı.
Aldınnan alıp barılatuǵın iskerlik:
Balalardıń shańaraq aǵzaları menen birge túsken fotosuwretlerin jıynap alıw. Balalardıń “Meniń anam”, ata-analardıń “ Meniń kishkentayım” temasındaǵı suwretleri.
Kerekli buyımlar: AKT, Vatman qaǵaz, reńli boyawlar, reńli qálemler, kley, shańaraqqa baylanıslı suwretler.
Tálimiy oyın iskerliginiń alıp barılıwı
Tárbiyashı: (balalardı sheńber tárizinde turıp alamız ham bir-birimizdiń qollarımızdan uslap qosıǵımızdı aytamız)
Balalar:
Bizler jaqın doslarmız
Bárhá ashıq kewilmiz,
Urıspastan júremiz
Bárhá tatıw doslarmız
Sonıń ushn quwnaqpiz.
Tárbiyashı: Bárekella balalar, maǵan aytınlar, úyde ata-analarıńız sizlerdi qanday etip erkeletip shaqıradı? (Tayshaǵım, erketayım……..)
Psixodiyagnostika: (AKT)
- Ata-anańızdıń keypiyati jaqsı bolǵanda olardin júzleri qanday boladı?
- Keypiyatı jaman bolǵanda she?
- Qapa etip alsańızshe?
Fizikaliq minut: Balalardi shiniqtiramiz.
Tárbiyashı: Búgin biziń toparımızda ashıq fotoko’kizbe sho’lkemlestirilgen. Ko’rgizbemizdiń atı “Meniń shańaraǵım” dep ataladı. Marhamat hár kim o’z shańaraǵı haqqında aytıp beriwi múmkin. (AKT da balalar o’zleriniń shańaraq aǵzaların tanıstırıp o’tedi)
Tárbiyashı:
Jaqsı bol dep erkelep
Anam meni súyedi
Shoqlıq qılsam awırsınıp
Ishlerinen kúyedi.
Balasańda deydi maǵan
O’zim oylap qalaman
Aytqanların qılayın dep
Jolda oynap qalaman.
Mine balalar bul qosıqta ne haqqında aytılǵan eken? ( Qosıq haqqında sawbet)
Qáne sizler anańızdıń aytqanların o’z waqtında qılasızlarma?
(Balalardıń juwapları)
Tárbiyashı: Anajanlarımız haqqında qanday sozler aytıwımız múmkin? (mexriyban, pázende, miynetkesh aqillı h. t. b/)
Tárbiyashı: Analarımız haqqında naqıllar bilesizlerme balalar, qane kim aytadı?
Ana menen bala, gúl menen lala.
Ananıń kewli balada
Balanıń kewli dalada
Tárbiyashı: Bárekella balalar,
Balalar endi sabagimizdi oraylarda dawam ettiremiz. Balalar menen oraylarda tema boyinsha jumis alip baramiz. Balalardin oraylardagi har birinin iskerliklerin korip shigamiz ham olardi xoshametleymiz.
Juwmaq. Sabaq aqirinda balalar menen temaga baylanisli soraw juwaplar otkerip, sabagimazdi bekkemleymiz ham har bir balaga sabaqqa jaqsi qatnasqanin aytip olardi xoshametleymiz.