“O’zbekistonning pragmatik faol tashqi siyosiy va iqtisodiy diplomatiyasi”

Mavzu: “O’zbekistonning pragmatik faol tashqi siyosiy va iqtisodiy diplomatiyasi”

“Tashqi siyosiy va iqtisodiy aloqalar sohasida soʻnggi besh yildagi saʼy-harakatlarimiz natijasida, mamlakatimizning xalqaro maydonda ochiq, ishonchli va tashabbuskor davlat sifatidagi maqomi va obroʻsi keskin oshdi. Biz Markaziy Osiyo mintaqasida oʻzaro hamjihatlik va hurmat, yaqin qoʻshnichilik va strategik sheriklik ruhidagi yangi siyosiy muhitni yaratishga muvaffaq boʻldik. Oddiy fuqarolarimizni uzoq yillar qiynab kelgan koʻplab muammolar yechildi, doʻst va qardosh xalqlarimizning oʻzaro bordi-keldilari tobora kuchaymoqda. Bu – bizning eng katta yutugʻimizdir.

Qoʻshnilarimiz bilan savdo hajmi besh yilda 5 barobar koʻpaydi, birgalikda yirik qoʻshma loyihalarni amalga oshirmoqdamiz. Mintaqa davlatlari yetakchilarining Maslahat uchrashuvlari muntazam oʻtkazilmoqda. Bundan tashqari, dunyoning qudratli davlatlari va boshqa strategik hamkorlarimiz bilan yangi formatdagi amaliy aloqalar yoʻlga qoʻyildi. Birlashgan Millatlar Tashkilotining Inson huquqlari boʻyicha kengashida aʼzo sifatida faol qatnashmoqdamiz.
Bu ijobiy jarayonlar xalqaro hamjamiyat tomonidan keng eʼtirof etilmoqda. Yaqinda Toshkentda boʻlib oʻtgan Markaziy va Janubiy Osiyoning oʻzaro bogʻliqligiga bagʻishlangan sammit hamda Islom taraqqiyot banki anjumani ham, buning isboti boʻldi. Biz, tizimli va puxta oʻylangan, pragmatik tashqi siyosiy va iqtisodiy diplomatiyamizni bundan keyin ham faol davom ettiramiz”.
Shavkat Mirziyoyev
O’zbekikston Respublikasi Prezidenti
Pragmatik tashqi siyosat

Pragmatik tashqi siyosat – bu amaliy manfaatlarga asoslangan, puxta o’ylangan reja asosida ko’zlangan maqsadni ro’yobga chiqarishni nazarda tutuvchi siyosat. Pragmatik tashqi siyosatda samarasiz natijalardan kerakli xulosalar chiqariladi va doim belgilangan rejaga muvofiq harakat qilinadi. Pragmatik siyosat bu ko’zlangan rejalar va loyihalar tizimini amalda foydali natijalarga erishish nuqtai nazaridan quradigan siyosatdir.