O‘zbekistonning jahon hamjamiyatidagi o‘rni va xalqaro tashkilotlar bilan munosabаtlari

Mustaqil Davlatlar Hamdoʻstligi 
1991 yil 21 dekabrda Almatida 11 davlat: Rossiya, Ukraina, Belorus, Qozog‘iston, O‘zbekiston, Qirg‘iziston, Tojikiston, Turkmaniston, Azarbayjon, Armaniston,
Moldaviya davlatlari boshliqlarining kengashida MDH tuzildi. 
MDHga 1993 yil 24 dekabrda Ashxabadda Gruziya ham qo‘shildi.
O‘zbekiston mazkur tashkilotining iqtisodiy integratsiya doirasida qatnashib 
kelmoqda.
MDH a’zolarining birgalikdagi faoliyati sohasiga quyidagi tadbirlar kiritildi: 
tashqi siyosiy faoliyatlarni muvofiqlashtirish, mudofaa siyosati va tashqi chegarani muhofaza qilish; 
umumiy iqtisodiy muhitni shakllantirish va rivojlantirish, Umumevropa va Evroosiyo bozorini shakllantirish; 
iqtisodiy islohot o‘tkazish; 
bojxona siyosatini birga olib borish; 
transport va aloqa, shuningdek, energetika tizimlarini rivojlantirish; 
salomatlik, atrof-muhit va ekologik xavfsizligini saqlash; 
MDHning asosiy maqsadlarini 
amalga oshirish uchun qoidalarga
 rioya qiladilar: 
davlat suverenitetini o‘zaro tan olish va hurmat qilish; 
teng huquqlilik va bir-birlarining ichki ishlariga aralashmaslik; 
iqtisodiy kuch yoki boshqa tazyiq uslublarini qo‘llashdan voz kechish; 
bahsli muammolarni kelishtiruvchi vositalar va xalqaro huquqning boshqa hamma e’tirof qilgan tamoyil va normalari asosida hal qilish. 
«Markaziy Osiyo hamkorligi» tashkiloti
2002 yilda «Markaziy Osiyo iqtisodiyhamjamiyati» negizida «Markaziy Osiyo hamkorligi» (MOH) tashkiloti tuzildi.
Bu tashkilotning maqsad va vazifasi barcha a’zo davlatlarning manfaatlarini hisobga olgan holda suv-energetika zahiralaridan unumli foydalanish, transport tizimining
umummintaqaviy tuzilmasini barpo etish, ishlab chiqarish kooperatsiyasi 
va savdo-iqtisodiy, ijtimoiy-madaniy munosabatlarni har tomonlama rivojlantirish, ekologik muammolarni birgalikda hal qilish va
barkarorlikni mustahkamlash kabi muhim yo‘nalishlar belgilab olingan edi.