O`zbekistonning iqtisodiy salohiyati

IV. Yangi mavzuni boshlashga hozirlik.
Yangi mavzu doskaga yozilib Ozbekistonning maydoni, aholisi haqidaqisqacha ma`lumot beriladi.Guruhlarga “Tabiiy resurslar”, “Sanoati”, “Qishloq xo`jaligi” matnlari tarqatiladi va guruhlarni mustaqil ish uchun tayyorlanishiga vaqt beriladi.


V. Yangi mavzuni yoritish.
Tabiiy resurslari: O`zbekiston hududida 2700 dan ortiq foydali qazilmalarning istiqbolli konlari topilgan. Respublika yer ostidan yiliga qazib olinayotgan foydali qazilmalarning qiymati 5.5 milliard dollardan ko`pdir.
O`zbekiston oltin zaxiralari bo`yicha dunyoda to`rtinchi, uni qazib chiqarish bo`yicha ikkinchi o`rinda turadi. Respublikamiz yer osti kumushga ham boydir. Mamlakatimiz mis zaxiralari bo`yicha dunyoda yettinchi o`rinda turadi. Uranning topilgan zaxiralari uni 50-60 yil qazib olishni ta`minlaydi. Respublikamizda 160 dan ortiq gaz, neft, ko`mir konlari qidirib topilgan va ochilgan, ularning ko`pi ishlatishga topshirilgan. Ulardan 8 million tonnadan ortiq neft va gaz kondensati ishlab chiqariladi, bu esa o` ehtiyojlarimizni to`la ta`minlaydi.
Har yili Respublikamizda 51 milliard 200 million kub metrdan ortiq zangori yonilg`i-gaz qazib olindi. Bu o`z ehtiyojlarimizni to`la ta`minlangan holda gazni qo`shni davlatlarga eksport qilish imkonini beradi. Har yili qazib chiqarilgan ko`mir 4 million tonnani tashkil etadi. O`zbekistondagi qidirib topilgan ko`mirning umumiy zaxiralari 5 milliard tonnadan ko`p.
Sanoati: Paxta tozalash, mashinasozlik, neftni qayta ishlash, rangli metallurgiya, energetika, to`qimachilik, gaz, samolyotsozlik, avtomobilsozlik, qishloq xo`jalik mahsulotlarini qayta ishlash, elektrotexnika, radiotexnika va boshqalar. 100 dan ortiq tarmoqqa mansub 2200 dan ziyod ishlab chiqarish korxonalari faoliyat ko`rsatmoqda. 1996 yil 19-mayda Andijon viloyatining Asaka shahrida ochilgan mamlakatimizdagi birinchi avtomibil zavodi besh turdagi “Lasetti”, “Nexia”, “Matiz” va “Tico” rusumli yengil avtomobillar hamda “Damas” rusumli kichik avtobusdan yiliga 200 ming dona avtomashina chiqara olish quvvatiga ega. Samarqand shahrida esa “Otayol” rusumli kichik avtobuslar ishlab chiqarilmoqda.
Hozirgi kunda Respublika energetikasining umumiy quvvati 11 ming kilovatdan ortiq bo`lgan 27 ta issiqlik va gidravlik elektr stansiyalari yiliga 60 milliard kilovat soat elektr quvvati ishlab chiqarish imkoniyatiga egadir.