O‘zbekistonliklar nega qozoq unini ma’qul ko‘rmoqda? Don masalasiga mas’ullar bu yil O‘zbekistonda har yilgidanda ko‘proq g‘alla hosili kutilayotganini aytishadi. Ammo nega o‘zbekistonliklar non va turli pishiriqlar uchun qozoq unini ko‘proq ma’qul

170 dan ortiq tuzatishlar: Konstitutsiyani o‘zgartirish bo‘yicha qonun loyihasi parlamentga kiritildi

O‘zbekiston Konstitutsiyasining 66 ta moddasiga 170 dan ortiq o‘zgartish va qo‘shimchalar kiritish kerak, degan xulosaga keldi Konstitutsiyaviy komissiya. Ishlab chiqilgan qonun loyihasi parlamentga kiritildi. Loyiha hozircha e’lon qilingani yo‘q.

“O‘zbekiston Respublikasi Konstitutsiyasiga o‘zgartish va qo‘shimchalar kiritish to‘g‘risida”gi Konstitutsiyaviy qonun loyihasi amaldagi qomusning 83-moddasiga asosan Qonunchilik palatasi deputatlari tomonidan qonunchilik tashabbusi huquqi asosida quyi palataga kiritildi. Bu haqda Konstitutsiyaviy komissiya matbuot xizmati ma’lum qildi.
Loyihada amaldagi Konstitutsiyaning barcha bo‘limlaridagi 66 ta moddaga 170 dan ortiq tuzatishlar ko‘zda tutilmoqda.
Qonun loyihasiga quyi palataning Demokratik institutlar, nodavlat tashkilotlar va fuqarolarning o‘zini-o‘zi boshqarish organlari qo‘mitasi hamda Korrupsiyaga qarshi kurashish va sud-huquq masalalari qo‘mitalari mas’ul etib belgilangan.
Loyiha, shuningdek, parlamentdagi partiyalarning siyosiy fraksiyalariga ham tarqatilgan. Hozircha jamoatchilikka ochiqlangani yo‘q.
Bugun, 22 iyul kuni bo‘lib o‘tgan mas’ul qo‘mitalarning qo‘shma yig‘ilishida Konstitutsiyaviy qonun loyihasini ko‘rib chiqish uchun qabul qilingan. Quyi palata kengashi ham shu mazmundagi qarorni qabul qilgan.
Endilikda manfaatdor vazirlik va idoralar, ekspertlar xulosalari asosida dastlabki xulosalar olinadi va yalpi majlisda birinchi marotaba ko‘rib chiqish uchun qabul qilinadi.
Ma’lum qilinishicha, yalpi majlisda konseptual ravishda ko‘rib chiqilgan qonun loyihasini xalq muhokamasiga chiqarish bo‘yicha takliflar tayyorlanmoqda.
Avvalroq prezident mazkur o‘zgarishlarni referendum o‘tkazish orqali qabul qilishni taklif etgandi.

To‘palang suv omboridagi vaziyatga GESning suv quvuri to‘sini shikastlanishi sabab bo‘lgan. Avariya oqibatida To‘palang suv ombori to‘g‘oniga ziyon yetmagan. Avariya yuz bergan bosimli quvurda suv oqishi to‘xtatilgan. «O‘zbekgidroenergo» AJ rahbari voqea joyiga uchib ketgan.

Energetika vazirligi To‘palang GESda ro‘y bergan holat yuzasidan ma’lumot berdi.
«Bugungi kunda To‘palang GESda modernizatsiya qilish va GES quvvatini 30 MVt.dan 175 MVt.ga oshirish loyihasi amalga oshirilmoqda. Dastlabki ma’lumotlarga ko‘ra, modernizatsiya jarayonida bosimli suv quvuriga o‘rnatilgan vaqtinchalik tiqinning shikastlanishi natijasida soniyasiga 40 kub metr suv sizib chiqqan.
Ta’kidlash kerakki, daryoning suv o‘tkazish qobiliyati soniyasiga 600 kub metrni tashkil etadi. Suv sizib chiqish vaqtida suv sarfi soniyasiga 160 kubometrgacha ko‘tarilgan.
Hozirda bosimli quvurdan suv sizib chiqish to‘xtatilgan. Shuni ma’lum qilamizki, bu holat to‘g‘on holatiga hech qanday ta’sir qilmagan va To‘palang suv ombori to‘g‘oniga shikast yetmagan», deyiladi vazirlik xabarida. 
Ayni paytda «O‘zbekgidroenergo» AJ boshqaruvi raisi Abdug‘ani Sanginov hodisa sabablarini o‘rganish va bunday holatlarning oldini olish choralarini ko‘rish maqsadida voqea joyiga yetib borgan.
Fuqarolardan har qanday bahsli masalada faqat rasmiy ma’lumotlardan foydalanish so‘ralgan. Hodisa joyidan qo‘shimcha ma’lumot berib boriladi.
22 iyun kuni tongida ijtimoiy tarmoqlarda Surxondaryo viloyati Sariosiyo tumanida joylashgan To‘palang suv ombori to‘g‘oni yorilib ketgani va natijada atrofni suv bosgani haqidagi xabarlar tarqalgandi. Keyinroq «O‘zbekgidroenergo» AJ axborot xizmati To‘palang suv omborida qurilgan to‘g‘on yorilib ketgani haqidagi xabarlarni rad etdi va aholini vahimaga tushmaslikka chaqirdi.
Uchrashuvda prezident asosiy qonunga qator normalarni kiritish bo‘yicha takliflar ilgari surdi. Kun.uz mazkur takliflarni sanab o‘tadi.