O'zbekistonda transport tizimi o'ziga xos xususiyatlari

O'zbekistonda transport tizimi o'ziga xos xususiyatlari

REJA:

1. 
   O'zbekiston hududida avtomobil yo’llari tarmog’i
   
2. 
   Transport turlari bo’yicha yo’lovchi tashish
   
3. 
   Shahar yo’lovchilar tashish transporti.
   
4. 
   Havo transporti
   

O'zbekiston Respublikasining ijtimoiy-iqtisodiy hayotida transport tizimining yana bir muhim qismi bo’lgan avtomobil transporti va avtomobil yo’llari ham o'rin tutadi. Milliy iqtisodiyotning avtomobil transportidan foydalanmaydigan birorta sohasi yo’q. Qisqa masofalarga yuk va yo’lovchilarni tashishda, zamonaviy transportning boshqa xillari mavjud bo’lmagan manzilgohlarda aholi va tashkilotlarga xizmat ko’rsatishda, ayniqsa transport uchun noqulay bo’lgan tog’li joylarda avtomobil transportining ahamiyati beqiyosdir.

O'zbekiston hududida avtomobil yo’llari tarmog’i ancha keng har 1000 km² maydonga avtomobil yo’llarining zichligi 210 km ga yetadi. Qator avtomobil yo’llari xalqaro va davlat ahamiyatiga ega. Hozirgi kunda avtomobil yo’llarining umumiy uzunligi 115 ming km dan ortiq. Shularning 95,6 foizi qattiq qoplamali yo’llardir. Mamlakatimiz hayotida muhim o'rin tutgan avtomobil yo’llari jumlasiga eng avvalo Toshkent, Samarqand, Qashqadaryo, Surxondaryo va boshqa viloyatlar orqali o'tgan Katta O'zbek avtomobil trakti kiradi. 1940 yili qurib bitkazilgan va 700 km dan ortiq uzunlikka ega bo’lgan ushbu ravon yo’l qanchadan-qancha yuk va yo’lovchilar tashishga hamda hududlar orasida transport xizmati ko’rsatishni yaxshilashga olib keldi.
Ikkinchi Jahon urushi boshlanishdan oldin Farg’ona vodiysidagi 3 viloyat va qator shaharlarni jumladan Qo’qon, Marg’ilon, Asaka, Andijon, Namangan, Chust shaharlarini bog’lab turuvchi aylanma yo’l qayta qurildi. Shuningdek, turli davrlarda ishga tushgan Toshkent-O'sh, Samarqand-Buxoro, Toshkent halqa yo’li, Nukus-G'uzor, Qo’ng’irot-Beynov kabi yana qator avtomobil yo’llari ham O'zbekistoning ijtimoiy-iqtisodiy hayotida katta ahamiyat kasb etadi.