O‘zbekistonda sog‘liqni saqlash tizimidagi islohotlar haqida ma’lumot yozing va tizimdagi muammolarga o‘z shasiy munosabatingizni bildiring

3-TOPSHIRIQ:
O‘zbekistonning G‘arbiy Yevropa mamlakatlari bilan hamkorlik aloqalari qaysi soha va yo‘nalishlarda amalga oshirilmoqda?
O'zbekistonning Yevropa ittifiqi mamlakatlari bilan siyosiy, iqtisodiy, ilmiy-texnik va madaniy-gumanitar sohalarda aloqalar qilmoqda. Respublikamizda Yevropa ittifoqiga a'zo mamlakatlarning yuzlab firma va kompaniyalari vakolatxonalari faoliyat yuritmoqda. Yevropalik sarmoyadorlar ishtirokida tashkil etilgan minga yaqin коrxоnа ishlayapti, ulardan yuzdan ortigi yuz foizlik yevrора kapitaliga ega.
Respublikamiz Markaziy Osiyoda birinchilardan bo‘lib adliya, ichki ishlar, inson huquqlari va aloqador masalalar bo‘yicha O‘zbekiston — Yevropa Ittifoqi quyi qo‘mitasi doirasida «Inson huquqlari bo‘yicha muloqot»ni tashkil etdi. Bugungi kunga qadar tomonlar o‘rtasida 12 raund muloqot bo‘lib o‘tdi.
Harakatlar strategiyasi doirasida ko‘p qirrali islohotlar boshlangan paytdan buyon yevropalik hamkorlarimiz jamiyatni demokratlashtirish, qonun ustuvorligini mustahkamlash, fuqarolik jamiyati, so‘z erkinligi va inson huquqlari sohasidagi chuqur o‘zgarishlarni qo‘llab-quvvatlab kelmoqdalar.
O‘zbekistonning majburiy mehnatga barham berish, sud islohotlari, qiynoqlarning oldini olish va fuqaroligi bo‘lmagan shaxslar bilan bog‘liq muammolarni hal etish borasidagi yutuqlarini Yevropa tomoni alohida ta’kidlaydi.
Ushbu sohalardagi sezilarli yutuqlar tufayli 2019 yilda Yevropa Ittifoqi «individual holatlar» deb nomlanuvchi ro‘yxatni birinchi marta taqdim etmadi. Albatta, bu mamlakatimizda mazkur sohalarda olib borilayotgan islohotlardagi sezilarli o‘zgarishlardan dalolat beradi.
Ma’lumot uchun: «O‘zbekiston-YeI» quyi qo‘mitasining adliya, ichki ishlar, inson huquqlari va aloqador masalalar bo‘yicha yig‘ilishlari doirasida Yevropa tomoni qamoqdan ozod qilish talabi bilan «siyosiy mahbuslar» deb ataluvchi 10-15 kishining ro‘yxatini an’anaviy tarzda taqdim etar edi.
Bundan tashqari, Yevropa tomonining ta’kidlashicha, 2019-2020 yillarda oqlanganlarning o‘tgan yillarga nisbatan juda ko‘pligi O‘zbekiston sud tizimidagi islohotlar amalda ijobiy natijalarni ko‘rsatayotganidan dalolat beradi.
O‘zbekistonning ushbu sohada erishgan ijobiy natijalari Yevropa Ittifoqining dunyoda inson huquqlari va demokratiya bo‘yicha yillik hisobоtida (2020 yil iyun oyida e’lon qilingan) ham yuqori baholandi. Hujjatda 2016 yildan boshlab Prezidentimiz Shavkat Mirziyoyev tomonidan O‘zbekistonda jamiyatni bosqichma-bosqich liberallashtirish va demokratlashtirishga qaratilgan keng qamrovli islohotlar dasturi, shu jumladan, siyosiy dasturlar amalga oshirilayotgani ta’kidlangan.
Alohida qayd etilishicha, bu yo‘nalishda jiddiy yutuqlarga 2019 yilda va uning yakunida (22 dekabr) bo‘lib o‘tgan parlament saylovida erishildi. Bu esa, o‘z navbatida, respublikamiz rahbariyatining tub o‘zgarishlarni amalga oshirishga bo‘lgan intilishlarini yaqqol namoyish etdi.
Bundan tashqari, YeI hisobоtida so‘z erkinligi sohasida erishilgan ijobiy o‘zgarishlarga e’tibor qaratilgan. Jumladan, O‘zbekiston Respublikasi Prezidenti huzuridagi Axborot va ommaviy kommunikatsiyalar agentligi turli davlat idoralari bilan ishlashda qiyinchiliklarga duch kelgan o‘zbekistonlik jurnalistlarga jiddiy yordam ko‘rsatgani qayd etilgan.
Eng muhimi, Oʻzbekiston va Yevropa Ittifoqi aloqalarining yangi bosqichi nafaqat yuqori darajadagi hukumatlararo darajada, balki jamiyatning nodavlat tuzilmalari, fuqarolik jamiyati institutlari, ishlab chiqaruvchilar va biznes guruhlari, ilm-fan namoyondalaridan iborat “quyi qatlam” doiralarida ham oʻz taʼsirini sezdirmoqda. Davlat va hukumatlararo oliy darajadagi aloqalar oddiy insonlar oʻrtasidagi kundalik muloqot tusini olmoqda.
Soʻnggi soʻz oʻrnida, Yevropalik hamkorlar tomonidan katta eʼtibor bilan kutilayotgan Oʻzbekiston Respublikasi Prezidentining Yevropa Ittifoqiga tashrifi ikki tomonlama aloqalarning keyingi istiqboli uchun, albatta, muhim amaliy ahamiyat kasb etadi.