O„zbekiston xalqaro islom akademiyasi

113 
 
14. Hujjat jо‗natiladigan adres (xatni oluvchi muassasaning nomi).
15. Munosabat belgisi (rezolyustiya).
16. Nazorat haqida belgi.
17. Matn sarlavhasi (xatning qisqcha mazmuni).
18. Matn
19. Ilovalar haqida belgi.
20. Imzo.
21. Rozilik belgisi (viza).
22. Kelishuv haqida belgi.
23. Bajaruvchi haqida belgi va uning telyefon raqami.
24. Bajarganlik haqida belgi.
Xizmat xatlari imkoni boricha qisqa bо‗lishi, biroq bu qisqalik uning aniq va ravshanligiga 
ta‘sir etmasligi kerak. Qoidaga kо‗ra, xizmat xatlari bir betdan oshmasligi lozim. Faqat juda muhim 
masalalar yozilgan, birmuncha mufassal bayon talab qiluvchi xatlargina istisno tariqasida uch 
betgacha bо‗lishi mumkin. Rasmiy xatlarni tuzuvchi shaxs ma‘lum malakaga ega bо‗lishi kerak. 
Rasmiy xatlarni tо‗g‗ri va tez tuzish, avvalo, о‗zbek tilining о‗ziga xos xususiyatlarini, shuningdek 
zamonaviy rasmiy uslubni va unga qо‗yiladigan talablarni bilishni taqozo etadi. Ushbu talablarni 
bajarmaslik, birinchidan, xatlar bilan ishlashni qiyinlashtiradi, ikkinchidan, ularning huqiqiy va 
amaliy ahamiyatini yо‗qotadi. Rasmiy xatlar matnida ikki xil mazmunda tushuniladigan jumlalar 
bо‗lmasligi uchun kо‗chma ma‘nodagi sо‗z va iboralarni qо‗llashda ehtiyotkorlik, sinchkovlik talab 
etiladi. Rasmiy xatlar tilida aniqlik va qisqalik asosiy mezon hisoblanadi. Bunday xatlar tili va 
uslubi qonunlar tiliga qо‗yiladigan talablar darajasida bо‗lishi zarur. Xizmat xatlari ikki nusxada 
yoziladi va imzolanadi. Birinchi nusxa jо‗natilib, ikkinchi nusxa muassasaning о‗zida saqlanadi. 
Agar xat ikki va undan ortiq joyga yо‗llansa, xat jо‗natilayotgan asosiy muassasa yoki rahbar 
xodimning nomidan sо‗ng boshqalari beriladi. Birgina hujjatda uni oluvchilarning nomi tо‗rttadan 
oshmasligi kerak. Xizmat xatlari, odatda, muassasa nomiga yuboriladi. Faqat masalaning hal 
qilinishi bevosita rahbarga bog‗liq bо‗lsa, xat rahbar nomiga jо‗natilishi mumkin. Xizmat 
xatlarining о‗ziga xos xususiyatlaridan biri, ularning nomi (kafolat xati, ilova xat, taklif xat, sо‗rov 
va boshqalar) yozilmaydi. Ularning qanday xat ekanligi matn mazmunidan bilinib turadi.