O’zbekiston xalqaro islom akademiyasi “Islom iqtisodiyoti va xalqaro munosabatlar” fakulteti

3.2-rasm. Asosiy kapitalga xorijiy investitsiyalar⁶³

Erkin iqtisodiy hududlarga investitsiyalarni jalb etishdan tashqari, Xitoy tomonidan ilgari surilgan “Bir makon – bir yo‘l” global strategik tashabbusi ham yurtimizga ShHT doirasida investitsiyalar oqimini oshirishga keng imkoniyat yaratadi. Chunki, ushbu global strategik loyihaning yo‘nalishiga nazar soladigan bo’lsak, bu zamonaviy ipak yo‘li tashkilotga a’zo barcha davlatlarning hududidan o‘tadi. Shunday ekan, shubhasiz u mintaqadagi davlatlar o‘rtasida integratsiyani tezlashtirish, o‘zaro savdo-iqtisodiy faoliyatlarni erkin amalga oshirish va albatta xalqaro investitsiyalar oqimining osonlik bilan bir mamlakatdan boshqa mamlakatga borishini ta’minlaydi.

Ushbu strategik loyihaning muhim jihatini yuqoridagi bobda aytib o‘tgan edik, ya’niki Xitoy tomonidan ilgari surilgan “Bir makon – bir yo‘l” loyihasi o‘z yo‘nalishidagi mamlakatlarning bir necha yillik rivojlanish strategiyalari bilan charchamchas bog‘liq va ularga deyarli to‘la mos tushadi. Bunga O‘zbekiston Respublikasining 2017-2021-yillarga mo’ljalllangan “Xarakatlar strategiyasi”ni olaylik yoki Qozog‘istoning “Yorug‘ kelajak” rivojlanish istiqbolli rejalarini olaylik, yo‘qsa Rossiya tashabbusi bilan ishlab chiqilgan Yevroosiyo erkin savdo ittifoqining taraqqiyot strategiyasini olaylik, barchasi ushbu global loyihada o‘z o‘rniga ega va ular inkor etilmaydi. Bundan tashqari, ikki tomonlama strategik istiqbollarning bir-biriga mos tushishi, mintaqadagi mamlakatlar rivojlanishini ikki barobarga tezlashtirmoqda desak ham bo‘ladi.