O’zbekiston resrublikasi oliy va o’rta maxsus ta’lim vazirligi

AXBOROT KOMMUNIKATSIYA TEXNOLOGIYALARI VA UNING QO’LLANISH SOHALARI
	1.1.	Zamonaviy axborot kommunikatsiya texnologiyalari..……...……...		7
	1.2.	AKT ning qo’llanish sohalari va uning ta’lim sohasidagi ahamiyati..		14
	1.3.	Umumta’lim maktab o’qituvchilarining AKT savodxonligini oshirish samaralari …………………………………………...…...		19
		1-bob xulosasi...................................................................................		27
II-BOB		“KOMPYUTER SAVODXONLIGI”NI OSHIRISH UCHUN O’RGATUVCHI MULTIMEDIALI ILOVALAR YARATISH
	2.1.	Multimedia ilovalarini yaratuvchi mualliflik dasturlari tahlili……		28
	2.2.	“Kompyuter savodxonligi”ni oshirish uchun o’rgatuvchi multimediali ilovalar yaratish jarayoni........……………………..		38
	2.3.	Multimedia ilovalarini yaratish mavzusidagi darslarni tashkil etishda pedagogik texnologiyalardan foydalanish……..……………		45
		2-bob xulosasi...................................................................................		54
	Xulosa………………………………….…………………………………		55
	Foydalanilgan adabiyotlar………………..………..…..…………………		58

Kirish
Tez rivojlanayotgan axborot texnologiyalari davrida kompyuter texnologiyasidan foydalanish modaning ta'siri emas, balki bugungi kunda ta'limning rivojlanish darajasi bilan belgilanadigan zaruratdir. Axborot kommunikatsiya texnologiyalaridan foydalangan holda o’quv jarayonini tashkil etish bugungi kun o’qituvchisining pedagogik mahoratini namoyon etishning bir ko’rinishi hisoblanadi. Axborot-kommunikatsiya texnologiyalaridan foydalana bilish ko’nikma va malakalariga egalik, kompyuter savodxonligi salohiyati — elektron ko’rinishda taqdim etilgan axborot bilan ishlash bo’yicha umumiy ta’lim bilimlarini o’zlashtirish malakasi hisoblanadi. Bugungi kunda ishlab chiqilayotgan ta’lim standartlarining o’ziga xosligi o’quvchilarning biror bilim sohasini bilish va vazifalarni bajara olishdan — «bilish, bajara olish va amalda qo’llashni bilish» tamoyillari asosida ta’lim mazmunini shakllantirish va natijalarini baholashga yangicha yondashuv bo’lib hisoblanadi.

Bitiruv ishi mavzusining asoslanishi va uning dolzarbligi. Mamlakatimizda olib borilayotgan Xalq ta’lim tizimini yanada takomillashtirish chora-tadbirlari maktab ta’lim oluvchilarining hamda tizim faoliyatining har tomonlama bugungi kun talablari darajasiga yetkazish uchun bajariladigan vazifalarni belgilab beradi. Maktab o’qituvchisining axborot kommunikatsiya texnologiyalaridan foydalanish ko’nikmasini shakllanganligi o’quv mashg’ulotini loyihalashda AKT vositalarining ishtirokini ta’minlay olishi, yetkazilayotgan ma’lumotlarning o’quvchilar uchun tushunarli, qiziqarli hamda ularning faolligini oshishida namoyon bo’ladi.

Yurtimizda borayotgan islohotlar samarasini yanada oshirish, davlat va jamiyatning har tomonlama va jadal rivojlanishi uchun shart-sharoitlar yaratish, mamlakatimizni modernizatsiya qilish hamda hayotning barcha sohalarini liberallashtirish bo’yicha ustuvor yo’nalishlarni amalga oshirish maqsadida O’zbekiston Respublikasi Prezidenti Shavkat Mirziyoyevning 2017 yil 7 fevraldagi ― “O’zbekiston Respublikasini yanada rivojlantirish bo’yicha Harakatlar strategiyasi to’g’risida” gi Farmoni qabul qilindi. Harakatlar strategiyasida ijtimoiy soha, xususan, ta’lim va ilm-fan sohalarini rivojlantirish, ta’lim tizimining uzluksizligini yanada takomillashtirish maqsadida sifatli ta’lim xizmatlari imkoniyatlarini oshirish, mehnat bozorining zamonaviy ehtiyojlariga mos yuqori malakali kadrlar tayyorlash siyosatini davom ettirish muhim vazifa etib belgilangan. Belgilangan vazifalar ijrosini ta’minlash ta’lim va ilm-fan sohalarini rivojlantirishdagi dolzarb masalalardan hisoblanadi.

Bitiruv ishining obyekti va predmeti: Multimedia ilovalarini yaratuvchi AutoPlay MediaStudio dasturi, “Ta’limda multimedia ilovalari” , “Multimediaga kirish” fanlaridan “Multimedia ilovalarini ishlab chiqish AutoPlay MediaStudio dasturidan foydalanish” mavzusini o’rganish hamda nazariy va amaliy tadbiq etish.

Bitiruv ishining maqsadi va vazifalari: Bitiruv ishing maqsadi Xalq ta’limi tizimi o’qituvchilarining “Kompyuter savodxonligi”ni oshirish uchun o’rgatuvchi multimediali ilovalar yaratish mavzusini o’qitishda foydalanish mumkin bo’lgan pedagogik texnologiyalarni yoritib berishdan iborat bo’lib va quyidagi vazifalardan iborat:

1. 
   Oliy o’quv yurtidagi “Ta’limda multimedia ilovalari” va “Multimediaga kirish” fanining “Multimedia ilovalarini ishlab chiqish AutoPlay MediaStudio dasturidan foydalanish” mavzusini o’rganish va tahlil qilish.
   
2. 
   “Multimedia ilovalarini ishlab chiqish AutoPlay MediaStudio dasturidan foydalanish” o’quv mashg’ulotini o’qitishni takomillashtirishning didaktik va texnologik xususiyatlarini nazariy va amaliy jihatdan o’rganish;
   

3. AutoPlay MediaStudio dasturidan foydalanib multimediali ilovalar yaratilganda erishiladigan yutuqlarni yoritib berish.

Mavzu bo’yicha adabiyotlar, normativ-huquqiy hujjatlar sharhi (tahlili): Bitiruv ishini shakllantirishda foydalanilgan ilmiy adabiyotlar M. Aripov, B. Begalov, U. Begimqulov, M. Mamarajabov, Axborot texnologiyalari. O’quv qo’llanma, Toshkent, 2009, 20-25 b, И.В. Гордeeвa, Мультимeдиa тeхнология, Новосибирск, СГГA, 2010, 104-105 s, Prezident asarlari (Mirziyoyev Shavkat Miromonovich. Milliy taraqqiyot yo’limizni qat’iyat bilan davom ettirib, yangi bosqichga ko’taramiz. – Toshkent: O’zbekiston, 2017.-592., Mirziyoyev Shavkat Miromonovich. Erkin va farovon, demokratik O’zbekiston davlatini birgalikda barpo etamiz. – Toshkent: O’zbekiston, 2016.-56., Mirziyoev, Shavkat Miromonovich. Buyuk kelajagimizni mard va olijanob xalqimiz bilan birga quramiz. – Toshkent: “O’zbekiston”, 2017. – 488 b.), xususan AKT sohasiga oid bir qator qaror va farmoyishlari, ilmiy-ommabop jurnal nashrlari va internet resurslari ro’yxati foydalanilgan adabiyotlar ro’yxati qismida keltirib o’tilgan.

Bitiruv ishining nazariy va amaliy ahamiyati: Multimedia ilovalarini AutoPlay MediaStudio dasturi orqali yaratishni talabalar mustaqil ravishda shuningdek laboratoriya ishlarini bajarishda o’rganishlari mumkin. Multimedia ilovalarini AutoPlay MediaStudio dasturi orqali yaratish amaliyotda ko’p foydalaniladi.

Ish tuzilmasining tavsifi: Bitiruv ishi quyidagi qismlardan tashkil topgan. Kirish, ikkita bob, xulosa, foydalanilgan adabiyotlar ro’yxati qismlaridan iborat.

Bitiruv ishining kirish qismida mavzuning dolzarbligi, ishning maqsadi va vazifalari hamda bitiruv ishining tuzilishi bayon qilingan.

Asosiy qism bitiruv ishining mazmunini to’liq yoritib berish uchun 2 ta asosiy bobdan tashkil topgan.