Oʻzbekiston respuplikasi oliy va oʻrta maxsus taʻlim vazirligi muqimiy nomidagi qoʻqon davlat pedagogika instituti

Magistrlik dissertatsiyasining maqsadi - taʻlim tashkilotining rivojlanish strategiyasini ishlab chiqish va amalga oshirish boʻyicha nazariy va amaliy tadqiqotlarni olib borishdir.
Yuqoridagi maqsaddan kelib chiqqan holda, qoʻyidagi vazifalar belgilab olindi:

• 
  Taʻlim muassasalarining raqobatbardoshligini oshirishda ularning rivojlanish strategiyalarini ishlab chiqish va joriy etishning ilmiy nazariy asoslarini tadqiq etish;
  

• Taʻlim tashkilotlari rivojlanish strategiyasini ishlab chiqishga uslubiy yondashuvlar taxlili;

• 
  Oʻzbekistonda taʻlimni 2030-yilgacha rivojlantirish konsepsiyalarini oʻrganish;
  
• 
  Qoʻqon davlat pedagogika instituti misolida taʻlim muassasasining rivojlanishida strategik boshqaruvni takomillashtirish boʻyicha xulosa va takliflarni shakllantirish.
  

Tadqiqotning obyekti: Jamiyat hayoti sohalarining globallashuvi, uni taʼlim tizimiga taʼsiri, Oʻzbekistonda milliy taʼlim tizimini takomillashtirish va unga taʼsir etuvchi omillar.
Tadqiqotning predmeti: globallashuv sharoitda taʼlim tizimini takomillashtirish qonuniyatlarini oʻrganish orqali jamiyatimiz maʼrifiy hayotidagi mavjud muammolarni keltirib chiqaruvchi sabablarini va ularning yechimini topish usullari, yoʻllari, vositalaridan foydalanishni oʻrganishdan iborat.
Tadqiqot metodlari. Dissertatsiyada ilmiy bilishning obyektivlik, tizimlilik, vorisiylik, qiyosiy tahlil, analiz va sintez, umumlashtirish, tarixiylik va mantiqiylik kabi metodlariga tayanildi.
Tadqiqot natijalarining ilmiy va amaliy ahamiyati. Tadqiqotning ilmiy ahamiyati unda oʻz aksini topgan xulosalar globallashuv sharotida taʼlim tizimining namoyon boʻlish xususiyatlari va ularning oldini olish yoʻllarini chuqurroq anglab yetishga xizmat qilishida namoyon boʻladi. Dissertatsiyada oʻrganilgan masalalarning yechimlaridan Oʻzbekistonda va umuman, dunyo miqyosida kechayotgan taʼlim sohasidagi oʻzgarishlarni falsafiy-metodologik jihatdan tadqiq etishda foydalanish mumkin. Shuningdek, dissertatsiyada bayon etilgan xulosalar ushbu yoʻnalishdagi keyingi tadqiqotlar uchun muayyan nazariy manba boʻlib xizmat qiladi.
Dissertatsiyaning amaliy ahamiyati unda oʻz aksini topgan nazariy xulosalar va umumlashmalar, konkret amaliy taklif-tavsiyalardan Respublika Maʼnaviyat targʻibot markazining joylardagi boʻlimlari, fuqarolik yigʻinlari, “Kamolot” yoshlar ijtimoiy harakati faoliyatida, shuningdek, oliy va oʻrta maxsus taʼlim muassasalarida ijtimoiy-siyosiy fanlarni oʻqitishda, talabalar uchun uyushtiriladigan muloqot, davra suhbatlarida hamda ushbu yoʻnalishdagi maʼnaviy-maʼrifiy tadbirlarni tashkil etishda foydalanish mumkin.