Oʻzbekiston respublikasining soliq kodeksi (Yangi tahriri) Oʻzbekiston Respublikasining

3-BOB. SOLIQ MUNOSABATLARINING 
SUBYEKTLARI, ULARNING HUQUQLARI 
VA MAJBURIYATLARI 
19-modda. Soliq munosabatlarining subyektlari 
va hujjatlar almashish tartibi 
20-modda. Soliq toʻlovchilar 
21-modda. Soliq toʻlovchilarning huquqlari 
22-modda. Soliq toʻlovchilarning majburiyatlari 
23-modda. Soliq agentlari 
24-modda. Soliq toʻlovchining vakillari 
25-modda. Vakolatli organlar 
26-modda. Soliq organlarining huquqlari 
27-modda. Soliq organlarining majburiyatlari 
28-modda. Bojxona organlarining, yigʻimlarni undirishga 
doir vazifalarni amalga oshiruvchi davlat organlarining 
hamda tashkilotlarning huquq va majburiyatlari 
29-modda. Soliq siri 
19-modda. Soliq munosabatlarining subyektlari 
va hujjatlar almashish tartibi 
(1-q.)
Soliq toʻlovchilar, soliq agentlari va vakolatli organlar soliq munosabatlarining 
subyektlaridir. 

---

(2-q.)
Soliq organlari, ushbu Kodeksda nazarda tutilgan hollarda, hujjatlarni elektron hujjat 
tarzida soliq toʻlovchining shaxsiy kabinetiga yuboradi. Yuborilgan hujjatlar soliq toʻlovchi 
tomonidan oʻqib chiqilganidan keyin, lekin ushbu hujjat joʻnatilgan sanadan eʼtiboran uch kundan 
kechiktirmay olingan deb hisoblanadi. 
(3-q.)
Agar soliq toʻlovchida soliq toʻlovchining shaxsiy kabineti mavjud boʻlmasa, hujjatlar 
buyurtma xat qilib pochta orqali yuboriladi va ular joʻnatilganidan soʻng besh kundan keyin 
olingan deb hisoblanadi. 
(4-q.) 
Hujjatlar soliq toʻlovchiga yoki uning vakiliga shaxsan mazkur hujjatlar olingan sana 
koʻrsatilgan holda imzo qoʻydirib topshirilishi mumkin. 
(5-q.) 
Soliq toʻlovchilar, ushbu Kodeksda nazarda tutilgan hollarda, soliq organlariga 
hujjatlarni mazkur moddaning ikkinchi - toʻrtinchi qismlarida koʻrsatilganiga oʻxshash tartibda 
yuboradi. Bunda ushbu hujjatlar soliq organlariga soliq toʻlovchining shaxsiy kabineti orqali 
yuborilganda - joʻnatilgan kun, pochta orqali yuborilganda besh kundan keyin olingan deb 
hisoblanadi.
(6-q.)
Ushbu Kodeksda nazarda tutilgan hujjatlarning, elektron hujjat aylanishini taʼminlash 
uchun zarur boʻlgan hujjatlarning shakllari, mazkur hujjatlarning shakllarini toʻldirish tartibi, 
bunday hujjatlarni qogʻozda yoki telekommunikatsiya kanallari orqali elektron shaklda yoxud 
soliq toʻlovchining shaxsiy kabineti orqali yuborish hamda olish tartibi Oʻzbekiston Respublikasi 
Davlat soliq qoʻmitasi tomonidan tasdiqlanadi.