O’zbekiston respublikasining soliq kodeksi I bo’lim. Umumiy qoidalar

(ko’chirmalarni) soliq organiga taqdim etmaslik 
 
Ushbu Kodeksning 137-moddasi oltinchi qismida nazarda tutilgan 
ma’lumotnomani bank tomonidan soliq organiga taqdim etmaslik va (yoki) ushbu 
Kodeks 116-moddasining uchinchi qismiga muvofiq operatsiyalari to’xtatilgan 
hisobvaraqlarda qoldiq pul mablag’lari to’g’risida xabar bermaslik, shuningdek 
ma’lumotnomalarni (ko’chirmalarni) belgilangan muddatni buzgan holda berish 
yoki ishonchsiz ma’lumotnomalar (ko’chirmalar) taqdim etish, -
2 million so’m miqdorida jarima undirishga sabab bo’ladi. 
241-modda. Jarimalar va penyalarni undirish tartibi 
 
Ushbu Kodeksning 238 – 240-moddalarida ko’rsatilgan jarimalar, mazkur 
Kodeksda soliq to’g’risidagi qonun hujjatlarini buzganlik uchun nazarda tutilgan 
sanktsiyalarni undirish tartibiga muvofiq undiriladi. 
IX BO’LIM. SOLIQ ORGANLARINING HUJJATLARI VA 
ULAR MANSABDOR ShAXSLARINING
HARAKATLARI USTIDAN ShIKOYaT BERISh 
242-modda. Shikoyat berish huquqi 
 
Har bir shaxs soliq organlarining normativ xususiyatga ega bo’lmagan 
hujjatlari, ular mansabdor shaxslarining harakatlari yoki harakatsizligi ustidan, agar 
bunday hujjatlar, harakatlar yoki harakatsizlik uning huquqlarini buzsa, shikoyat 
berish huquqiga ega. 
Soliq to’g’risidagi qonun hujjatlariga yoki idoraviy normativ hujjatlarga 
muvofiq tuzilgan, soliq organlarining bir yoki bir nechta jismoniy yoki yuridik 
shaxsga qaratilgan, yuridik jihatdan ahamiyatli bo’lgan muayyan harakatlarni sodir 
etishga undovchi qat’iy ko’rsatmasi mavjud bo’lgan hujjat soliq organining 
normativ xarakterga ega bo’lmagan hujjati deb e’tirof etiladi. 
Soliq organlarining normativ-huquqiy hujjatlari ustidan qonun hujjatlarida 
belgilangan tartibda shikoyat qilinishi mumkin. 
Soliq organining sayyor soliq tekshiruvi yoki soliq auditi natijalari bo’yicha 
qabul qilgan qarori yuqori turuvchi soliq organi yoki sud tomonidan bekor qilingan 
taqdirda, ushbu qaror bo’yicha soliq va moliyaviy sanktsiyalarning undirilgan 
(to’langan) summalari Markaziy bankning ushbu summalar undirilgan (to’langan) 
davrda amal qilgan qayta moliyalashtirish stavkasidan kelib chiqqan holda 
hisoblangan foizlar inobatga olingan holda qaytarilishi (hisobga o’tkazilishi) lozim.