O’zbekiston respublikasining soliq kodeksi I bo’lim. Umumiy qoidalar

 
335-modda. Korxonani mulkiy majmua sifatida sotib 
olishda
daromadlarni va xarajatlarni e’tirof etishning o’ziga
xos xususiyatlari
Ushbu bo’lim maqsadida korxonani mulkiy majmua sifatida sotib olish narxi 
va mulkiy majmua sifatidagi korxona sof aktivlarining qiymati (majburiyatlar 
chegirib tashlangan holdagi aktivlar) o’rtasidagi farq ushbu moddada belgilangan 
tartibda soliq to’lovchining xarajati (daromadi) deb e’tirof etiladi.
Mazkur farq topshirish dalolatnomasi asosida narxga ustama tarzida (musbat 
farq bo’lgan taqdirda) yoki narxdan siylov berish (musbat farq bo’lgan taqdirda) 
tarzida aniqlanadi. 
Korxona kim oshdi savdolarida xususiylashtirish tartibida yoki tanlov bo’yicha 
mulkiy majmua sifatida sotib olingan taqdirda, xaridor tomonidan to’lanadigan 
ustama (olinadigan siylov) miqdori xarid narxi va korxonaning mulkiy majmua 
sifatidagi baholash (boshlang’ich) qiymati o’rtasidagi farq sifatida aniqlanadi.
Xaridorning mulkiy majmua sifatidagi korxona tarkibida aktivlarni va mulkiy 
huquqlarni olishga doir xarajatlari deb ushbu aktivlar va mulkiy huquqlarning 
topshirish dalolatnomasi bo’yicha aniqlanadigan qiymati e’tirof etiladi. 
Xaridor tomonidan to’lanadigan ustamaning (olinayotgan siylovning) summasi 
soliq solish maqsadida quyidagi tartibda hisobga olinadi:
1) mulkiy majmua sifatidagi korxona xaridori tomonidan to’lanadigan ustama 
xaridorning mulkiy majmua sifatidagi korxonaga bo’lgan mulk huquqi davlat 
ro’yxatidan o’tkazilgan oydan keyingi oydan e’tiboran besh yil mobaynida bir 
me’yorda uning xarajatlari deb e’tirof etiladi;
2) mulkiy majmua sifatidagi korxonaning xaridori tomonidan olinadigan siylov 
xaridorning mulkiy majmua sifatidagi korxonaga bo’lgan mulk huquqining o’tishini 
davlat ro’yxatidan o’tkazish amalga oshirilgan oydagi daromadi deb e’tirof etiladi.
Sotuvchining korxonani mulkiy majmua sifatida realizatsiya qilishdan ko’rgan 
zarari ushbu Kodeksning46-bobida belgilangan tartibda soliq solish maqsadlarida 
sotuvchi tomonidan hisobga olinadi.