O’zbekiston respublikasining soliq kodeksi I bo’lim. Umumiy qoidalar

157-modda. Soliq nazorati doirasida harakatlar amalga oshirilgan 
taqdirda bayonnomaga qo’yiladigan umumiy talablar 
Ushbu Kodeksda nazarda tutilgan hollarda, soliq nazorati harakatlari amalga 
oshirilayotganda bayonnomalar tuziladi. Bayonnomada quyidagilar ko’rsatiladi: 
1)
tekshiruvni o’tkazish asoslari, turi va davri; 
2)
muayyan harakat amalga oshirilgan joy va sana; 
3)
harakat boshlangan va tugallangan vaqt; 
4)
bayonnoma tuzgan shaxsning lavozimi, familiyasi, ismi, otasining ismi; 

---

155 
5)
harakatda ishtirok etgan yoki uni bajarishda hozir bo’lgan har bir shaxsning 
familiyasi, ismi, otasining ismi, zarur hollarda esa uning manzili; 
6)
harakatning mazmuni, uni o’tkazish ketma-ketligi; 
7)
harakatni amalga oshirishda aniqlangan, ish uchun muhim bo’lgan faktlar va 
holatlar. 
Bayonnoma harakatlarni amalga oshirishda ishtirok etgan yoki uni o’tkazishda 
hozir bo’lgan barcha shaxslar tomonidan o’qib chiqiladi. Mazkur shaxslar 
bayonnomaga kiritilishi yoki ishga qo’shib qo’yilishi lozim bo’lgan fikr-
mulohazalarini bildirishga haqli. 
Bayonnoma soliq organining uni tuzgan mansabdor shaxsi, shuningdek 
harakatni amalga oshirishda ishtirok etgan yoki uni o’tkazishda hozir bo’lgan barcha 
shaxslar tomonidan imzolanadi. 
Bayonnomaga fotosuratlar, videoyozuvlar va harakatni amalga oshirishda 
bajarilgan boshqa materiallar ilova qilinadi. 
158-modda. Soliq nazoratini o’tkazishda g’ayriqonuniy ravishda
zarar etkazilishiga yo’l qo’ymaslik 
 
Soliq nazoratini o’tkazishda tekshirilayotgan shaxslarga, ularning vakillariga 
yoki ularning egaligida, foydalanishida yoxud tasarrufida bo’lgan mol-mulkka 
g’ayriqonuniy ravishda zarar etkazilishiga yo’l qo’yilmaydi. 
Soliq nazoratini o’tkazish chog’ida soliq organlarining yoki ular mansabdor 
shaxslarining g’ayriqonuniy harakatlari orqali etkazilgan zararning o’rni to’liq 
hajmda qoplanishi lozim. 
Soliq organlari va ularning mansabdor shaxslari g’ayriqonuniy harakatlar sodir 
etganlik natijasida tekshirilayotgan shaxslarga yoki ularning vakillariga etkazilgan 
zarar uchun qonun hujjatlarida nazarda tutilgan tartibda javobgar bo’ladi. 
Soliq organlari mansabdor shaxslarining qonuniy harakatlari orqali 
tekshirilayotgan shaxslarga yoki ularning vakillariga etkazilgan zararning o’rni 
qoplanmaydi, bundan qonun hujjatlarida nazarda tutilgan hollar mustasno.