O‘zbekiston respublikasining fuqarolik protsessual kodeksi I bo‘lim. Umumiy qoidalar 1-bob. Asosiy qoidalar

tortish oqibatlari
Chaqiriluvchi o‘z nomiga yuborilgan sudning chaqiruv qog‘ozini yoki boshqa xabarnomani
qabul qilishdan bosh tortsa, uni keltirgan shaxs sudning chaqiruv qog‘oziga yoki boshqa
xabarnomaga tegishli belgi qo‘yib, uni sudga qaytaradi. Chaqiriluvchi sudning chaqiruv qog‘ozini
yoxud boshqa xabarnomani qabul qilib olishdan bosh tortganligi haqidagi belgi fuqarolarning o‘zini
o‘zi boshqarish organi yoki ish beruvchi (ma’muriyatning mansabdor shaxsi) yoxud o‘quv
muassasasi tomonidan yoki kamida ikki nafar fuqaroning imzosi bilan tasdiqlanadi.
Chaqiriluvchi sudning chaqiruv qog‘ozini yoki boshqa xabarnomani qabul qilishdan bosh
tortganligi yoki axborot tizimi orqali elektron tarzda xabardor qilingan shaxsning uzrsiz sabablarga
ko‘ra kelmaganligi ishni muhokama qilishga to‘sqinlik qilmaydi.
162-modda. Tegishli tartibda xabardor qilish
Sudning chaqiruv qog‘ozi yoki boshqa xabarnoma shaxsan yoki voyaga yetgan oila a’zolaridan
biri, mazkur manzilda yashovchi boshqa shaxs tomonidan olingan, shuningdek sud tomonidan
matnli xabarning elektron pochta manzili orqali yoki xabarnomaning qayd etilishini ta’minlovchi
boshqa aloqa vositalaridan foydalangan holda yetkazilganligini tasdiqlovchi hisobot olingan
hollarda, agar bunday xabarnoma kelib tushmaganligi yoki kechroq kelib tushganligi isbotlanmasa,
ishda ishtirok etuvchi shaxslar tegishli tartibda xabardor qilingan hisoblanadi.
Sudning chaqiruv qog‘ozi yoki boshqa xabarnoma chaqiriluvchi uni olishni rad etganda ham,
agar bunday rad etish qayd etilgan bo‘lsa, yetkazilgan hisoblanadi.
163-modda. Ish yuritish vaqtida familiyani, ismni, otasining ismini o‘zgartirish, manzilning
o‘zgarishi
Ishda ishtirok etuvchi shaxslar ish yuritish vaqtida familiyasini, ismini, otasining ismini
o‘zgartirganligi, manzili o‘zgarganligi haqida sudga xabar qilishi shart. Bunday xabar mavjud
bo‘lmagan taqdirda, sudning chaqiruv qog‘ozi yoki boshqa xabarnoma sudga ma’lum bo‘lgan

---

oxirgi manzil bo‘yicha yuboriladi va, garchi chaqiriluvchi bu manzilda ortiq yashamasa yoki
bo‘lmasa ham, u yetkazib berilgan deb hisoblanadi.
Agar ishda ishtirok etuvchi shaxslar telefonlari va fakslari raqamlarini, elektron pochta
manzilini sudga ma’lum qilgan bo‘lsa, ish yuritilayotgan vaqtda ularning o‘zgarganligi to‘g‘risida
sudni xabardor qilishi kerak.