O‘zbekiston respublikasining fuqarolik protsessual kodeksi I bo‘lim. Umumiy qoidalar 1-bob. Asosiy qoidalar

258-modda. Mol-mulkni yoki uning qiymatini undirib berish to‘g‘risidagi hal qiluv qarori
Sud mol-mulkni natura tarzida undirib bergan taqdirda hal qiluv qarorida da’vogarga
topshirilishi lozim bo‘lgan mol-mulkning nomini, turgan joyini, agar hal qiluv qarorini ijro etish

---

vaqtida undirib berilgan mol-mulk naqd bo‘lmasa, uning javobgardan undirilishi lozim bo‘lgan
qiymatini ko‘rsatadi.
259-modda. Javobgar zimmasiga muayyan harakatlarni amalga oshirish majburiyatini
yuklatadigan hal qiluv qarori
Sud javobgar zimmasiga mol-mulkni yoki pul summalarini olib berish bilan bog‘liq bo‘lmagan
muayyan harakatlarni bajarish majburiyatini yuklatishni nazarda tutuvchi hal qiluv qarorini qabul
qilish chog‘ida, qarorning o‘zida, agar javobgar hal qiluv qarorini belgilangan muddat ichida
bajarmasa, da’vogar shu harakatlarni javobgarning hisobidan amalga oshirishga va zarur
xarajatlarni keyinchalik javobgardan undirib olishga haqli ekanligini ko‘rsatishi mumkin. Agar
mazkur harakatlar faqat javobgar tomonidan amalga oshirilishi mumkin bo‘lsa, sud hal qiluv
qarorida uni ijro etish kerak bo‘lgan muddatni belgilab qo‘yadi.
Oldingi
 tahrirga qarang.
(260-modda O‘zbekiston Respublikasining 2021-yil 12-yanvardagi O‘RQ-661-sonli 
Qonuniga 
asosan o‘z
kuchini yo‘qotgan — Qonun hujjatlari ma’lumotlari milliy bazasi, 13.01.2021-y., 03/21/661/0011-son)
261-modda. Hal qiluv qarori yozuvidagi xatolarni va aniq ko‘rinib turgan arifmetik
xatolarni tuzatish
Sud hal qiluv qarori yozuvida yo‘l qo‘yilgan xatolarni yoki ochiq ko‘rinib turgan arifmetik
xatolarni o‘z tashabbusi yoki ishda ishtirok etuvchi shaxslarning arizasiga ko‘ra tuzatishi mumkin.
Hal qiluv qarori yozuvida yo‘l qo‘yilgan xatolarni yoki ochiq ko‘rinib turgan arifmetik xatolarni
tuzatish haqidagi ariza u topshirilgan kundan e’tiboran o‘n kunlik muddatda ko‘rib chiqiladi.
Hal qiluv qarori yozuvidagi xatolarni yoki ochiq ko‘rinib turgan arifmetik xatolarni tuzatish
to‘g‘risidagi masala ishda ishtirok etuvchi shaxslar xabardor qilingan holda sud majlisida hal etiladi.
Biroq, bu shaxslarning kelmaganligi tuzatishlarni kiritish to‘g‘risidagi masalani ko‘rib chiqish uchun
to‘sqinlik qilmaydi.
Hal qiluv qaroriga tuzatishlar kiritish yoxud tuzatishlar kiritishni rad qilish to‘g‘risida ajrim
chiqariladi.
Hal qiluv qaroriga tuzatishlar kiritish to‘g‘risidagi sudning ajrimi ustidan xususiy shikoyat
(protest) berilishi mumkin.