O‘zbekiston respublikasining fuqarolik protsessual kodeksi I bo‘lim. Umumiy qoidalar 1-bob. Asosiy qoidalar

179-modda. Qarzdorga sud buyrug‘ining ko‘chirma nusxasini yuborish
Sud buyrug‘i berilganidan keyin sud uning ko‘chirma nusxasini darhol qarzdorga yuboradi.
Sud buyrug‘i sudyaning elektron raqamli imzosi bilan tasdiqlangan elektron hujjat tarzida
yuborilishi mumkin.
180-modda. Sud buyrug‘ining qonuniy kuchga kirishi
Sud buyrug‘i u berilgandan so‘ng o‘n kunlik muddat o‘tgach qonuniy kuchga kiradi.
181-modda. Sud buyrug‘ini bekor qilish
Qarzdor arz qilingan talabga qarshi e’tirozlarini buyruqni bergan sudga sud buyrug‘ining
ko‘chirma nusxasini olgan kundan e’tiboran o‘n kunlik muddatda yuborishga haqli. Bunday holda
sudya sud buyrug‘ini bekor qilib, bu haqda ajrim chiqaradi. Sud buyrug‘ini bekor qilish to‘g‘risidagi
ajrimda sudya undiruvchi bildirgan talab da’vo ishini yuritish tartibida taqdim etilishi mumkinligini
tushuntiradi. Sud buyrug‘ini bekor qilish to‘g‘risidagi ajrimning ko‘chirma nusxasi ajrim
berilganidan keyin uch kundan kechiktirmay undiruvchiga va qarzdorga imzo qo‘ydirib topshiriladi
yoki ularga pochta orqali yoxud elektron hujjat tarzida yuboriladi.
Alimentlar undirish to‘g‘risidagi sud buyrug‘i ijro ishini yuritish bo‘yicha undiruv tugaguniga
qadar undiruvchining arizasiga ko‘ra bekor qilinishi mumkin.
2-kichik bo‘lim. Da’vo ishini yuritish
19-bob. Umumiy qoidalar
182-modda. Sud tomonidan da’vo ishini yuritish tartibida ko‘riladigan ishlar
Oldingi
 tahrirga qarang.
Sud tomonidan da’vo ishini yuritish tartibida ko‘riladigan ishlarga, agar qonunchilikda ularni
ko‘rishning boshqacha tartibi nazarda tutilmagan bo‘lsa, fuqarolik, mehnat, oilaviy, uy-joy va
boshqa huquqiy munosabatlardan kelib chiqadigan da’volar bo‘yicha ishlar kiradi.
(182-moddaning matni O‘zbekiston Respublikasining 2021-yil 21-apreldagi O‘RQ-683-sonli 
Qonuni
tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)