O‘zbekiston respublikasining fuqarolik protsessual kodeksi I bo‘lim. Umumiy qoidalar 1-bob. Asosiy qoidalar

139-modda. Arz qilingan talablardan voz kechilganda, kelishuv bitimi tuzilganda sud
xarajatlarini taqsimlash
Da’vogar arz qilingan talablaridan voz kechganda u qilgan xarajatlarining o‘rni javobgar
tomonidan qoplanmaydi.
Agar taraflar kelishuv bitimi tuzish chog‘ida sud xarajatlarini taqsimlash tartibini nazarda
tutmagan bo‘lsa, sud bu masalani kelishuv bitimini tasdiqlashda ushbu Kodeksning 
136
, 
138
 va 
141-
moddalariga 
muvofiq hal qiladi.
140-modda. Taraflarga sud xarajatlarining o‘rnini qoplash
Prokurorning, shuningdek boshqa shaxslarning huquqlarini hamda qonun bilan
qo‘riqlanadigan manfaatlarini himoya qilib sudga murojaat qilgan davlat boshqaruvi organlarining,
tashkilotlarning va fuqarolarning arz qilingan talablari to‘liq yoki qisman rad etilganda, javobgar
qilgan sud xarajatlarining o‘rni unga budjet mablag‘lari hisobidan to‘liq yoki da’vogar arz qilgan
talablarning rad etilgan qismiga mutanosib ravishda qoplanadi.
Talablarni qanoatlantirish rad etilgan taqdirda, ushbu Kodeks 
46-moddasida 
nazarda tutilgan
tartibda sud tomonidan jalb etilgan javobgar qilgan sud xarajatlarining o‘rni budjet mablag‘lari

---

hisobidan qoplanadi.
Mol-mulkni xatlashni bekor qilish to‘g‘risidagi da’vo qanoatlantirilgan taqdirda, da’vogar
qilgan sud xarajatlarining o‘rni unga budjet mablag‘lari hisobidan qoplanadi.
141-modda. Davlatga sud xarajatlarining o‘rnini qoplash
Ishni ko‘rish bilan bog‘liq bo‘lgan va da’vogar to‘lashdan ozod qilingan sud chiqimlari hamda
davlat boji javobgardan arz qilingan talablarning qanoatlantirilgan qismiga mutanosib ravishda
davlat daromadiga undiriladi.
Arz qilingan talablarni qanoatlantirish rad etilgan taqdirda sudning ishni ko‘rish bilan bog‘liq
chiqimlari da’vogardan davlat daromadiga undiriladi.
Agar arz qilingan talablar qisman qanoatlantirilgan, javobgar esa sud xarajatlarini to‘lashdan
ozod qilingan bo‘lsa, sudning ishni ko‘rish bilan bog‘liq chiqimlari sud xarajatlarini to‘lashdan ozod
qilinmagan da’vogardan talablarining rad etilgan qismiga mutanosib ravishda davlat daromadiga
undiriladi.
Agar har ikki taraf ham sud xarajatlarini to‘lashdan ozod qilingan bo‘lsa, sudning ishni ko‘rish
bilan bog‘liq chiqimlari davlat hisobiga o‘tkaziladi.
Javobgarni qidirish ushbu Kodeksning 
165-moddasida
nazarda tutilgan tartibda e’lon
qilingan taqdirda, sud qidiruv ishi bo‘yicha qilingan xarajatlarni javobgardan davlat daromadiga
undiradi.