O‘zbekiston respublikasining fuqarolik kodeksi birinchi qism I bo‘lim umumiy qoidalar 1-Kichik bo‘lim asosiy qoidalar

174-modda. Mol-mulkni saqlash vazifasi
Oldingi
 tahrirga qarang.
O‘ziga qarashli mol-mulkni saqlash, agar qonunchilikda yoki shartnomada boshqacha tartib
nazarda tutilgan bo‘lmasa, mulkdor zimmasidadir.
(174-moddaning matni O‘zbekiston Respublikasining 2021-yil 21-apreldagi O‘RQ-683-sonli 
Qonuni
tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
175-modda. Mol-mulkning tasodifan nobud bo‘lish yoki buzilish xavfi
Oldingi
 tahrirga qarang.
Mol-mulkning tasodifan nobud bo‘lish yoki buzilish xavfi, agar qonunchilikda yoki
shartnomada boshqacha tartib nazarda tutilgan bo‘lmasa, mulk egasining zimmasidadir.
(175-moddaning matni O‘zbekiston Respublikasining 2021-yil 21-apreldagi O‘RQ-683-sonli 
Qonuni
tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
14-BOB 
XO‘JALIK YURITISh HUQUQI. OPERATIV BOShQARISh HUQUQI
176-modda. Xo‘jalik yuritish huquqi

---

Xo‘jalik yuritish huquqi asosida ixtiyorida mol-mulk bo‘lgan unitar korxona bu mol-mulkka
ushbu Kodeksda belgilanadigan doirada egalik qiladi, undan foydalanadi va uni tasarruf etadi.
177-modda. Xo‘jalik yuritishida bo‘lgan mol-mulkka nisbatan mulkdorning huquqlari
Xo‘jalik yuritishida bo‘lgan mol-mulkning egasi qonunga muvofiq korxona tashkil etish, uning
faoliyat sohasini va maqsadlarini aniqlash, uni qayta tashkil etish va tugatish masalasini hal qiladi,
korxona direktorini (rahbarini) tayinlaydi, korxonaga qarashli mol-mulkdan belgilangan
maqsadlarda foydalanilishi va uning saqlanishini nazorat qiladi.
Mulkdor korxonaning xo‘jalik yuritishida bo‘lgan mol-mulkni ishlatishdan kelgan foydaning
bir qismini olish huquqiga ega.
Unitar korxona xo‘jalik yuritish huquqi asosida o‘ziga qarashli bo‘lgan ko‘chmas mulkni
mulkdorning roziligisiz sotishga, ijaraga berishga, garovga qo‘yishga, xo‘jalik shirkatlari va
jamiyatlarining ustav fondiga hissa sifatida topshirishga yoki bu mol-mulkni boshqacha usulda
tasarruf etishga haqli emas.
Korxonaga qarashli boshqa mol-mulkni u mustaqil tasarruf etadi.