O‘zbekiston respublikasining budjet kodeksi umumiy qism I bo‘lim. Umumiy qoidalar 1-bob. Asosiy qoidalar

31-modda. Budjet mablag‘larini taqsimlovchilarning budjet sohasidagi vakolatlari

Budjet mablag‘larini taqsimlovchilar:

budjetdan ajratiladigan mablag‘larni olish uchun budjet so‘rovlarini O‘zbekiston Respublikasi Moliya vazirligiga taqdim etadi;

budjet buyurtmalarini tuzish uchun ko‘rsatkichlarni va materiallarni o‘z tasarrufidagi tashkilotlarga yetkazadi;

xarajatlar smetalari va shtat jadvallarini tuzish uchun o‘z tasarrufidagi tashkilotlarga ularning tegishli moliya yiliga budjetdan ajratiladigan mablag‘lari hajmlarini yetkazadi;

o‘z tasarrufidagi tashkilotlarning xarajatlar smetalari va shtat jadvallarini, shuningdek ularga kiritilgan o‘zgartirishlarni ro‘yxatdan o‘tkazadi;

tasdiqlangan xarajatlar smetalarini va jamlanma xarajatlar smetalarini, shtat jadvallarini, shuningdek ularga kiritilgan o‘zgartirishlarni O‘zbekiston Respublikasi Moliya vazirligiga ro‘yxatdan o‘tkazish uchun taqdim etadi;

xarajatlar smetalari va shtat jadvallaridagi o‘zgartirishlar to‘g‘risida o‘z tasarrufidagi tashkilotlarni xabardor qiladi;

o‘z tasarrufidagi tashkilotlarda budjet hisobi yuritilishini tashkil etish va nazorat qilishni ta’minlaydi;

o‘z tasarrufidagi tashkilotlardan moliyaviy hisobotlarni qabul qiladi;

O‘zbekiston Respublikasi Moliya vazirligiga tegishli davr uchun jamlanma moliyaviy hisobotlar taqdim etadi.

Budjet mablag‘larini taqsimlovchilar qonun hujjatlariga muvofiq budjet sohasida boshqa vakolatlarni ham amalga oshirishi mumkin.

 LexUZ sharhi

Qarang Mazkur Kodeksning 32 va 88-moddalari, O‘zbekiston Respublikasi Adliya vazirligi tomonidan 15.12.2014-yilda 2634-son bilan ro‘yxatdan o‘tkazilgan, O‘zbekiston Respublikasi Moliya vazirining 14.11.2014-yildagi 74-sonli buyrug‘i bilan tasdiqlangan Budjet tashkilotlari va budjet mablag‘lari oluvchilarning xarajatlar smetasi va shtat jadvallarini tuzish, tasdiqlash va ro‘yxatdan o‘tkazish tartibi to‘g‘risidagi nizomning 5-bobi.