4. Testlarni qo‘llanishi bo‘yicha quyidagi turlarga ajratish mumkin:
keltirilgan jumla ifoda, shakl yoki mulohazada qoldirilgan joylarni to‘ldirishga
mo‘ljallangan testlar ular javoblarini erkin tanlash testlari jumlasiga kirib, u o‘rganilgan
mavzuning ma’nosini tushunganlikni tekshiradi. Masalan, teorema, qoida va boshqalar;
keltirilgan mulohazaning rost yoki yolg‘onligini aniqlash testlari. Bular alьternativ,
ya’ni muqobil mulohaza yuritish, xulosa chiqarish yoki umumiy qoida – qonunlar,
xususiyatlar, teoremalarga asoslanib, bajarilayotgan amallarning to‘g‘riligini aniqlay olishligi
tekshiriladi. Keltirilgan ikki turdagi testlar nafaqat yozma, balki og‘zaki shaklda ham
ifodalanadi.
javobni tanlashga mo‘ljallangan testlar. Mazkur turdagi testlar keng tarqalgan bo‘lib,
ulardan kamida uchta javob ko‘rsatiladi va bu javoblarni tuzishda o‘quvchilar yo‘l qo‘yishi
mumkin bo‘lgan xatolar hisobga olinadi. Bu testlar yordamida o‘quvchilarning o‘quv
materiallini qo‘llashga tayyorgarligi tekshiriladi. Umuman hozirgi kunda jahonda
qo‘llanilayotgan testlar quyidagi guruhlardan iborat:
etuklik testi (o‘qilgan materialni aytib bera olish);
kreativ, ya’ni ijod testi (ilg‘ab olish, farqlash);
biror mezon bo‘yicha test (ma’lum bir mezon tanlanadi);
proektiv testi (biror xil shakl, model, rasmlar yordamida);
intellekt – testi (sotsiologiya va ruhshunoslikka oid test).
Yuqorida keltirilgan test turlariga qo‘yiladigan asosiy talablar quyidagilar:
test savol – topshiriqlar asosiy bilimlar majmuasi va ularni o‘zlashtirishga qo‘yiladigan
talablar asosida tuziladi;
topshiriqlar sharti qisqa, aniq va oddiy bo‘lib, unga keltirilgan javob yagona shaklda
ifodalangan bo‘lishi kerak;
tekshirilayotgan materialning ma’nosini ifodalovchi murakkabroq darajadagi
topshiriqlar albatta kiritilgan bo‘lishi lozim;
qaralayotgan material bo‘yicha bir necha xil variantlar bo‘lgan holda, ulardan bir xil
sondagi topshiriqlar bo‘lishi lozim;
bitta testda bir xil sondagi savollar bo‘lishi lozim;
testlarda tushirib qoldirilgan atama, formulalar tanlangan mavzuning asosiylari bo‘lib,
ular bir testga 2 – 3 tadan oshmasligi kerak;
qo‘yilgan maqsadga ko‘ra bir xil testlar turli xil ko‘rinishda yaratish mumkin va hakozo.
Testlarni ishlab chiqarish va qo‘llash metodikasi unga qo‘yilgan maqsaddan kelib
chiqadi. Agar test bilim berishning biror shaklini egallasa, bu eng katta yutuq bo‘ladi. Masalan,
o‘quvchi ma’lum bir guruhdagi savollarga javob bera olmadi deylik. Bunda o‘quvchi
tomonidan (avtomatlashtirilgan testda kompьyuter tomonidan) berilgan barcha topshiriqlarni
to‘liq bajarishi uchun o‘quvchi e’tibor qilishi lozimligi to‘g‘risida ma’lumot berilsa, o‘quvchi
o‘zi uchun lozim bo‘lgan o‘rganish yo‘nalishini bilib oladi.
Do'stlaringiz bilan baham: |