O‘zbekiston respublikasi xalq ta’limi vazirligi toshkent shahar xalq ta'limi bosh boshqarmasi

3. Umumiy o‘rta ta’limda adabiyot darslarining sifati.

“Oʻqituvchi oʻquvchi taassurotlarini tinglashga koʻproq eʼtibor beradi. Uning asarda tasvirlangan voqea-hodisalarning oqibatini tushunib olishiga koʻmaklashadi, maʼnaviyat tarbiyasiga alohida eʼtibor beradi”

Аdabiyot darslarida badiiy asarlarning o‘quv tahlili jarayonida muallifning asar qahramonlari shaxsiyatini ochishga qaratilgan leksikasiga alohida eʼtibor qaratish lozim bo‘ladi.

Аdabiyot darslarida badiiy matnlarning oʻquvchi tomonidan toʻliq oʻzlashtirilishini taʼminlaydigan muhim omillardan yana biri ularning mazmun-mohiyati yuzasidan tayyorlanadigan savol va topshiriqlardir.

Darsliklarda o‘rganish uchun taqdim etilgan badiiy asarlarda tasvirlangan murakkab, chigal vaziyatlarning yechimini savol topshiriqlar ko‘magida o‘quvchilarning o‘zlarining zimmalariga yuklash ular kamolotining garovidir.

Savollarga javob berishdan oldin o‘quvchi matnga qayta-qayta murojaat qilsin, xayolan muhokama qilsin, fikrlasin. Qahramonning o‘rniga o‘zini qo‘yib ko‘rsin. Uni o‘zi va o‘rtoqlari bilan taqqoslasin.

Tuzilgan savollar ko‘p jihatdan badiiy matndagi jozibani ochishda o‘quvchiga yordam bersin.

Savol va topshiriqlar zamirida o‘quvchini tekshirish, uni baholash maqsadigina emas, balki uni badiiy matnni kashf qilish, asar ustida ishlash, matndan olgan badiiy zavqni, jozibani o‘z so‘zi bilan ifodalash, asar yuzasidan fikr bildirishga, mustaqil izlanishga o‘rgatish ekanligi e’tibordan chetda qolmasligi lozim.