O‘zbekiston respublikasi xalq ta'limi vazirligi t. Usmonxo‘jayev, M. Toirova

O‘yin qoidalari: baliqlarni faqat chegaragacha tutish mumkin. Baliqchining qo‘li tekkan baliq tutilgan
hisoblanadi.
«Qovoqni urish»
O‘yinda bir nechta bola ishtirok etadi. Yerga diametri 1- 1,5 m bo‘lgan aylana chiziladi. Undan 6-8 qadam nariroqda yerga tayoq qadaladi (balandligi 1 m dan ortiq bo‘lmasligi kerak), uning ustiga esa quruq ko‘rgazmali (dekorativ)

qovoq kiygiziladi. Qur’aga ko‘ra bir o‘yinchi aylana ichida qovoqqa orqasi bilan turadi. Uning qo‘liga uzunligi 1 m li tayoqcha beriladi, ko‘zi esa ro‘molcha bilan bog'lab qo‘yiladi. Turgan joyida bir necha marta atrofga aylanib to‘xtaydi va qoTidagi tayog‘i bilan aylanadan chiqib, qovoqni qidirishni boshlaydi hamda uni urishga harakat qiladi. O‘yinchilarga talabni bajarishga maTum bir vaqt beriladi. Shu vaqt ichida vazifani bajargan o‘yinchiga ball beriladi.
O‘yin qoidalari: faqat qovoqni urish kerak, tayoqni mumkin emas. Aylana atrofidagi boshqa o‘yinchilar ishtirokchiga umuman halaqit bermasliklari yoki aksincha, ko‘mak bermasliklari lozim.
«Kishmish»
Maydonchada katta bir aylana chiziladi (aylananing diametri o‘ynovchilar soniga qarab chiziladi). Bolalar ikki guruhga boTinishadi. Qur'aga ko‘ra jamoalardan biri aylanaga kiradi, ikkinchi jamoa tashqarida turadi. Tashqaridagi o‘yinchilarning bir nechtasiga to‘p beriladi. Lekin ichkaridagilar to‘plar kimga berilganini bilmasliklari kerak. To‘p bilan boTgan bolalar shartli ravishda raqam tanlaydi, faqat o‘sha raqamlarni o‘yinboshidan tashqari hech kim bilmasligi kerak. Hamma aylana atrofida yuradi. 0‘yinboshi o‘yinchilardan birining raqamini aytadi. U darrov qoTidagi to‘pni o‘rtada yurgan bolalardan biriga otadi va tekkan o‘yinchi o‘yindan chiqadi. Agar to‘pni tekkiza olmasa, otgan o‘yinchining o‘zi chiqib ketadi va to‘pni boshqa sherigi otishni boshlaydi. Jamoalardan birida birgina o‘yinchi qolguniga qadar o‘yin davom etadi.