Oʻzbekiston respublikasi xalq ta’limi vazirligi sirdardaryo viloyat xalq ta’limi xodimlarini qayta tayyorlash va ularning malakasini oshirish hududiy markazi

Matematik formulalar bilan ishlash. Elektron jadvallarda oddiygina jadval tuzish emas, balki yacheykalarga kiritilgan boshlangich qiymatlardan ma’lum formula asosida yangi qiymatlarni xosil qilish muximdir. Jadvalga ixtiyoriy formulani kiritish va hisoblashni bajarish mumkin.

Barcha formulalar (=) belgisi bilan boshlanadi. Formulalar dasturlash tillaridagi kabi bir qatorda yoziladi. Aks holda u oddiy matn singari tushuniladi. Formulalarni yozishda yacheykalar adresidan foydalanish mumkin. Yacheykalar adresi absolyut koʻrinishda olingan xolatda formulani koʻchirish paytida u oʻzgarmaydi.
Formula toʻgʻridan-toʻgʻri yacheykaga yoki formula kiritish joyiga yoziladi.
Diagramma va grafiklarni hosil qilish. Excel yordamida jadvalga kiritilgan sonli ma’lumotlarning diagrammalari va grafiklari hosil qilinadi. Diagrammalar va grafiklarni chizish uchun Excelda juda katta imkoniyatli yordamchi «Master diagramm» majud. Shu yordamchi vositasida turli tuman diagrammalar quriladi. Diagrammani berilganlar joylashgan varaqda, boshqa varaqda xatto boshqa kitobda hosil qilish mumkin.

5-mavzu. Ta’lim jarayonida Web texnologiyalardan foydalanish. (2 soat amaliy)

Ishdan maqsad: Pedagog kompetentligini oshirishda internettarmogʻi va uning imkoniyatlari. Internet ta’lim resurslari va ulardan oʻquv jarayonida foydalanish. Ziyonet.uz ta’lim portali va ta’limga oid saytlardan foydalanish. Ijtimoiy tarmoqlar va ularning imkoniyatlari. Elektron pochta serverlarida ishlash.
Tarmoq taqdim etadigan hizmatlar. Kompyuter tarmoqlari axborotlarni elektr signallari koʻrinishida uzatish va qabul qilishga ixtisoslashgan muhit. Tarmoqlar biror maqsadga erishish uchun quriladi, ya’ni bogʻlangan kompyuterlar orqali biror masalalarni yechish uchun ixtisoslashtiriladi. Tarmoq xizmatlariga quyidagilarni misol tariqasida keltirish mumkin:

• 
  fayl server xizmati. Bunda tarmoqdagi barcha kompyuterlar asosiy kompyuterning (server) ma’lumotlaridan foydalanish yoki oʻz ma’lumotlarini asosiy kompyuter xotirasiga joylashtirish mumkin;
  
• 
  print server xizmati. Bunda tarmoqdagi barcha kompyuterlar oʻz ma’lumotlarini xizmat joriy qilingan kompyuter boshqaruvi orqali qogʻozga chop qilishi mumkin;
  
• 
  proksi server xizmati. Bunda tarmoqqa ulangan barcha kompyuterlar xizmat joriy qilingan kompyuter boshqaruvi orqali bir vaqtda Internet yoki boshqa xizmatlardan foydalanishi mumkin;
  
• 
  kompyuter va foydalanuvchi boshqaruvi xizmati. Bunda tarmoqqa ulangan barcha kompyuterlarning va ularda qayd qilingan foydalanuvchilarning tarmoqda oʻzini tutishi hamda faoliyat yuritishi belgilanadi va nazorat qilinadi.