|
O‘quv mashg‘ulotining maqsadi: Tabiatshunoslik sohasidagi mavzular uchun PISA topshiriqlari tayyorlash, ular ustida ishlash va topshiriqlarni baholash texnologiyasi bo‘yicha tavsiyalar
Ta’lim metodlari:
|
Kichik ma’ruza, namoyish etish, savol-javob, guruhlarda ishlash.
|
Ta’lim vositalari:
|
Ma’ruzalar matni, marker, doska, tarqatma materiallar, qog‘ozlar.
|
Ta’lim shakli:
|
Jamoaviy ish.
|
O‘qitish shart-sharoitlari:
|
Texnik vositalar bilan ta’minlangan va jamoaviy ishlashga m‘o‘ljallangan auditoriya.
|
Amaliy mashg‘ulotining texnologik xaritasi
Faoliyat bosqichlari, vaqti
|
Faoliyat mazmuni
|
O‘qituvchi
|
Tinglovchilar
|
1-bosqich:
Kirish qismi
(15 min.)
|
1.1. Amaliy mashg‘ulotining mavzusini bayon etadi va mazkur mavzu yuzasidan so‘rov o‘tkazadi;
1.2. Mavzuga doir asosiy savollar, atamalar va muhim tushunchalarni izohlab, mashg‘ulotning maqsadi va rejalashtirilgan o‘quv ishlanmalar bilan tanishtiradi;
1.3.Yana mavzu yuzasidan so‘rov o‘tkazadi.
|
So‘rovda ishtirok etishadi;
Tinglashadi;
So‘rovda ishtirok etishadi.
|
2-bosqich.
Asosiy qism
(55 min)
|
2.1.Tinglovchilarga quyidagi savol va topshiriqlarga o‘ylab javob berish taklifini kiritadi:
- Tabiiy fanlar bo’yicha savodxonlikni baholashning asosiy yondashuvlari haqida sizning fikringiz?
- Tabiiy fanlar bo‘yicha savodxonlik kompetensiyalari.
Tinglovchilarni 4 ta kichik guruhga bo‘ladi va ularga mavzuga doir test savollari hamda topshiriqlarni tuzish vazifasini beradi.
Har bir guruhdan 1tadan vakilni chaqirib taqdimot qilishini so‘raydi hamda tarqatma materialni qolgan guruhlarga beradi.
|
Savollarga javob berishadi.
Guruh sardorlari chiqib o‘z javoblarini sharhlashadi;
Ekspert guruhi a’zolari javoblar mazmunini to‘ldirishda va baholashda ishtirok etishadi.
|
3-bosqich.
Yakuniy qism
(10 min)
|
3.1.Mavzuni yakunlab, umumlashtirishlar, yangi mavzu yuzasidan qisqacha xulosalarni beradi;
3.2.Bajarilgan ishlar baholanadi: guruhda eng faol va sust ishtirok etganlarni aniqlaydi.
|
Xulosalarni yozib borishadi;
Ekspert sifatida ishtirok etishadi;
|
Tayanch ibora va tushunchalar
|
Tabiiy fanlar , savodxonlikni baholash, tabiiy fanlar bo‘yicha savodxonlik kompetensiyalari,asosiy talablar, hodisalarni ilmiy jihatdan tushuntirish kompetensiyasi, ilmiy tadqiqotlarni loyihalash va baholash kompetensiyasi .
|
Mamlakatimiz innovatsion taraqqiyot yoʼlida shiddat bilan rivojlanib borayotgan bir davrda kelajagimiz davomchilari boʼlmish yoshlarni ijodiy gʼoyalari va ijodkorligini har tomonlama qoʼllab-quvvatlash, ularning bilim, koʼnikma va malakalarini shakllantirish hamda ilgʼor xorijiy tajribalar, xalqaro mezon va talablar asosida baholash tizimini takomillashtirish, shu yoʼlda xalqaro tajribalarni oʼrganish, mavjud tizimni har tomonlama qiyosiy tahlil qilish, tegishli yoʼnalishdagi xalqaro va xorijiy tashkilotlar, agentliklar, ilmiy-tadqiqot muassasalari bilan yaqindan hamkorlik qilish muhim ahamiyatga egadir.
Shu maqsadda, Oʼzbekiston Respublikasi Vazirlar Mahkamasining “Xalq taʼlimi tizimida taʼlim sifatini baholash sohasidagi xalqaro ta dqiqotlarni tashkil etish chora-tadbirlari toʼgʼrisida” 2018-yil 8-dekabrdagi 997-sonli qarori bilan Oʼzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi huzurida Taʼlim sifatini baholash boʼyicha xalqaro tadqiqotlarni amalga oshirish Milliy markazi tashkil etildi. Shu bilan birga, taʼlim sifatini baholash boʼyicha xalqaro tadqiqotlarda ishtirok etish vazifalari belgilandi:
PIRLS – boshlangʼich 4-sinf oʼquvchilarining matnni oʼqish va tushunish darajasini baholash;
TIMSS – 4- va 8-sinf o’quvchilarining tabiiy-ilmiy yo’nalishdagi fanlardan savodxonligini baholash;
TALIS – rahbar va pedagog kadrlarning umumiy oʼrta taʼlim muassasalarida oʼqitish va taʼlim olish muhitini hamda oʼqituvchilarning ish sharoitlarini oʼrganish;
PISA – 15 yoshli oʼquvchilarning oʼqish, matematika va tabiiy yoʼnalishdagi fanlardan savodxonlik darajasini baholash.
Ushbu loyihalar oʼquvchi-yoshlarning ijodiy va tanqidiy fikrlash koʼnikmalari,
egallagan bilimlarini hayotda qoʼllay olish layoqatiga turli xil topshiriqlar orqali baho berish va keyinchalik bu koʼnikmalar rivojlanishiga turtki berishga xizmat qiladi. Hozirgi kunga qadar Taʼlim sifatini nazorat qilish davlat inspeksiyasi va Iqtisodiy hamkorlik va taraqqiyot tashkiloti hamda Taʼlim sohasidagi yutuqlarni baholash xalqaro assotsiatsiyasi oʼrtasida imzolangan kelishuvlarga muvofiq 2021-yilda PISA va PIRLS xalqaro dasturlarida ishtirok etish rejalashtirilgan. Mazkur tadqiqotlar doirasida Oʼzbekiston Respublikasi oʼquvchi-yoshlarining savodxonlik darajalari ilk bor sinab koʼrilar ekan, bunga o’ta mas’uliyat bilan tayyorgarlik koʼrish talab etiladi. Buning uchun, xalqaro tadqiqotlar talablariga mos ravishda ishlab chiqilgan topshiriqlar asosida tajriba sinovlar oʼtkazish, oʼquv jarayonlariga bosqichma-bosqich integratsiya qilib borish orqali oʼquvchilarda maxsus koʼnikmalarni rivojlantirib borish muhim ahamiyat kasb etadi.
Shunday ekan, umumtaʼlim muassasalari rahbarlari, pedagoglar, oʼquvchilar foydalanishlari maqsadida oʼquvchilarning matematik, tabiiy-ilmiy fanlar va oʼqish savodxonligini baholashga qaratilgan topshiriqlar tarjima qilinib, toʼplam koʼrinishiga keltirildi hamda foydalanish uchun taqdim etilmoqda.
Do'stlaringiz bilan baham: |
