O‘zbekiston respublikasi xalq ta’limi vazirligi respublika ta’lim markazi umumiy o‘rta ta’limning tasviriy san`at fanidan Davlat ta’lim standarti va o‘quv dasturi toshkent-2017

Tasviriy san’at fani boshlang‘ich ta’lim yo‘nalishida umumlashgan holda, quyidagi tartibda o‘qitiladi:

1–4-sinf

• 
  tasvir ishlashga ijodiy yondashish;
  
• 
  asosiy ranglar (qizil, sariq, ko‘k)ni bilish;
  
• 
  asosiy ranglardan hosila ranglarni hosil qilish;
  
• 
  qalam, qog‘oz, bo‘yoq, mo‘yqalam va loy, plastilin, stek (xaykaltaroshlik pichoqchasi)dan to‘g‘ri foydalanish usullarini bilish;
  
• 
  tasvir mazmuniga ko‘ra qog‘oz holatini mos (tik yoki yotiq) tarzda tanlay olish.
  

5–7-sinf

• 
  tasviriy san’at asarlarini tahlil qila olish;
  
• 
  tasviriy san’atning tur va janrlarini farqlay olish;
  
• 
  asosiy va hosila (zarg‘aldoq, binafsha va yashil) ranglarni, shuningdek, ranglarni hosil qilishni bilish;
  
• 
  O‘zbekiston va jahon tasviriy san’at asarlarini bir-biridan farqlash;
  
• 
  naturaning xarakterli jihatlari (shakli, rangi, o‘lchami, nisbatlari, fazoviy holati)ni kuzata olish va amalda qo‘llay olish;
  
• 
  miniatyura san’ati, sharq miniatyura maktablari namoyondalarini, syujetli kompozitsiya haqida bilish;
  
• 
  amaliy bezak san’atida ramziy belgilar, dizayn san’ati, me’morlik, kitobat san’atini o‘rganish.
  

Har bir dars xavfsizlik texnikasi qoidalari va sanitariya-gigiyena talablariga rioya qilgan holda tashkil etiladi.

O‘zbekiston Respublikasida ta’limning uzluksizligi, uzviyligi, o‘quvchi shaxsi va qiziqishlari ustuvorligidan kelib chiqib, ularning yoshi, psixo-fiziologik xususiyatlariga mos ravishda tayanch kompetensiyalar shakllantiriladi.