O‘zbekiston respublikasi xalq ta’limi vazirligi respublika ta’lim markazi umumiy o‘rta ta’limning tasviriy san`at fanidan Davlat ta’lim standarti va o‘quv dasturi toshkent-2017

1-SINF

(33 soat, haftasiga 1 soat)
O‘quvchilarda shakllantiriladigan tayanch kompetensiyalar elementlari:
Kommunikativ kompetensiya:

– tasviriy san’at faniga oid atamalarni to‘g‘ri talaffuz qila olish.

Axborotlar bilan ishlash kompetensiyasi:

– turli manbalardan axborotlarni eshitish, ko‘rish va tushunish.

O‘zini o‘zi rivojlantirish kompetensiyasi:

– tasviriy san’at faniga oid bilimlarini boyitish, tirishqoqlikni, qo‘l harakat motorikasini rivojlantirish.

Ijtimoiy faol fuqarolik kompetensiyasi:

– o‘zining o‘quvchilik burchini bilish, jamoada ishlay olish.

Milliy va umummadaniy kompetensiya:

– tasviriy san’at turlariga oid ma’lumotlar haqida tushunchaga ega bo‘lish.

Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi:

– oilasida nechta odam borligi, kim katta, kim kichikligini bilish.

1-mavzu: Tasviriy san’at turlari. (1 soat)

Tasviriy san’atning asosiy turlari: rang tasvir, grafika va haykaltaroshlik haqida ma’lumot berish.

2-mavzu: Rassomning ish qurollari haqida tushuncha. (1 soat)

Dars jarayonida foydalaniladigan ish qurollari haqida ma’lumot berish.

3-mavzu: Chiziqlar va shakllar. (1 soat)

Tasviriy san’at fanida foydalaniladigan yordamchi chiziqlar haqida ma’lumot berish.

4-mavzu: Bo‘yoqlar va ranglar haqida asosiy tushuncha. (1 soat)

Asosiy va hosila ranglar haqida tushuncha berish hamda ish jarayonida qo‘llashni o‘rganish.

5-mavzu: Tasviriy san’atda bayroqcha rasmini tasvirlash. (1 soat)

Naturaga qarab rasmni qog‘ozga to‘g‘ri joylashtirish va ranglardan to‘g‘ri foydalana olishga o‘rgatish.

6-mavzu: O‘quvchilar bilan birgalikda soat rasmini tasvirlash. (1 soat)

Naturaga qarab rasmni qog‘ozga to‘g‘ri joylashtirish va ranglardan to‘g‘ri foydalana olishga o‘rgatish.

7-mavzu: Kuz faslini idrok etish. (1 soat)

Tabiatning turli fasllardagi o‘ziga xos go‘zalligini ko‘ra bilish, tabiat go‘zalligini idrok etishda asosiy tasavvurlar va fantaziyani qo‘llash.

8-mavzu: “Kuz” mavzusida rasm chizish. (1 soat)

Manzarani tasvirlash jarayonida tasvirni qog‘ozga to‘g‘ri joylashtirish va perspektiva qoidalari haqida tushuncha berish.

9-mavzu: Barglar rasmini tasvirlash. (1 soat)

Turli shakldagi barglar rasmini chizish.

10-mavzu: Barglardan tasvir va shakllar hosil qilish. (1 soat)

O‘quvchilarning ijodiy qobiliyatlarini o‘stirish.

11-mavzu: Tasviriy san’atda haykal ishlash sirlari. (1 soat)

O‘quvchilarda qo‘llarning mayda matorikalarini rivojlantirish orqali ularda haykal ishlash malakalarini tarkib toptirish.

12-mavzu: Akvariumdagi baliqlar rasmini tasvirlash. (1 soat)

Naturaga qarab rasmni qog‘ozga to‘g‘ri joylashtirish va ranglardan to‘g‘ri foydalana olish hamda sovuq ranglar bilan ishlashni o‘rgatish.

13-14 mavzu: “Ikki echki” ertagi asosida haykal ishlash. (2 soat).

Ertaklar asosida illustrasiya ishlash.