O‘zbekiston Respublikasi Xalq ta’limi vazirligi Buxoro viloyati xalq ta’limi boshqarmasi Metodik xizmat bo‘limi Xalq ta’limi tizimida uzluksiz metodik xizmat ko‘rsatish ishlarini tashkil etish bo‘yicha tavsiyalar

O‘zbekiston Respublikasi
Xalq ta’limi vazirligi


Buxoro viloyati xalq ta’limi boshqarmasi
Metodik xizmat bo‘limi
Xalq ta’limi tizimida uzluksiz metodik xizmat ko‘rsatish ishlarini tashkil etish bo‘yicha TAVSIYALAR


Xalq ta’limi vazirining 2020-yilning 13-avgustdagi
183-sonli buyrug‘i asosida
Buxoro - 2020


Tuzuvchi: H.Qobilova – VXTB Metodik xizmat bo‘limi metodisti
M.Boboyev – Jondor tumani tabiiy fanlar metodisti


Taqrizchilar: A.Rustamova – VXTB Metodik xizmat bo‘limi boshlig‘i
Q.Boltayeva – Buxoro shahar 29-umumiy o‘rta ta’lim maktabi
direktori o‘rinbosari


Mazkur metodik tavsiya Buxoro viloyati xalq ta’limi boshqarmasi O`quv-metodika kengashining 2020-yil ____-sentabrdagi ____-sonli qarori bilan foydalanishga tavsiya etilgan.


KIRISH

Umumta’lim muassasalarida o‘quv-tarbiya jarayoni sifatini yanada yaxshilash, pedagogik xodimlarga o‘z vaqtida metodik yordamni tashkil etish, O‘zbekiston Respublikasi Xalq ta’limi tizimini 2030-yilgacha rivojlantirish konsepsiyasi ijrosini ta’minlash hamda Xalq ta’limi vazirining 2020-yil 13-avgustdagi 183-sonli buyrug‘i ijrosini ta’minlash maqsadida viloyat xalq ta’limi boshqarmasining 2020-yil 18-avgustda 128-sonli buyrug‘i qabul qilindi.

Xalq ta’limi vazirining “Xalq ta’limi tizimida uzluksiz metodik xizmat ko‘rsatish ishlarini yanada rivojlantirish to‘g‘risida” 2020-yil 13-avgustdagi 183-sonli buyrug‘i bilan quyidagi me’yoriy hujjatlar tasdiqlandi.
Umumiy o‘rta ta’lim maktablarida o‘qituvchilarga metodik xizmat ko‘rsatish tartibi 1-ilovaga muvofiq;
Umumiy o‘rta ta’lim maktabining Metodbirlashmalari to‘g‘risidagi Nizom 2-ilovaga muvofiq;
Tuman (shahar) xalq ta’limi bo‘limlari huzuridagi Metodik kengash to‘g‘risidagi Nizom 3-ilovaga muvofiq;
Qoraqalpog‘iston Respublikasi Xalq ta’limi vazirligi, Toshkent shahar xalq ta’limi bosh boshqarmasi va viloyatlar xalq ta’limi boshqarmalari huzuridagi O‘quv-metodika kengashi to‘g‘risidagi Nizom 4-ilovaga muvofiq tasdiqlandi.
Ta’lim muassasalarida pedagogik kengash faoliyati O‘zbekiston Respublikasi Xalq ta’limi vazirining 2016-yil 30-mayda 6-mh-sonli buyrug‘i bilan tasdiqlangan “Umumiy o‘rta ta’lim maktablarining pedagogik kengashi to‘g‘risidagi namunaviy nizom”ga (ro‘yxat raqami 2799-son, 2016-yil 9-iyun) muvofiq tashkil etilishi belgilandi.
Mazkur metodik tavsiyada uzluksiz metodik xizmat ko‘rsatish bo‘yicha amaliy tavsiyalar keltirilgan.