O’zbekiston Respublikasi Xalq Ta’limi Vazirligi Andijon viloyati xalq ta’limi boshqarmasi

Kichik guruhlar bilan ishlash

Ushbu usullar o’quvchilarni guruhlarga ajratish bilan boshlanadi.Bu usul o’quvchilarni hamkorlikda ishlashga,mehr- oqibatli bo’lishga,o’z bilimiga tayanishga,hayotda undan oqilona faydalanishga,o’ziga-o’zi baho berishga o’rgatadi. Bu usulni ma’lum bir darslarda qo’llab ko’ramiz.

SO’Z TURKUMLARI darslarida

Doskada 3 ta so’z turkumi yozilgan qog’oz yopishtiriladi. O’quvchilar 3 guruhga ajratiladi. Har bir guruhdagi o’quvchi o’zi topgan mustaqil so’zni( oq qog’ozchalarga ) qaysi so’z turkumiga oid ekanligini, so’rog’ini yozadilar va doskaga (o’z guruhiga biriktirilgan so’z turkumining ostiga yopishtiradilar) ,so’ng o’quvchilar bilan birgalikda tekshirilib, o’quvchilar to’g’ri bajargan javoblar asosida ballanadilar. To’g’ri bajargan o’quvchilar 5 ball bilan, harakat qilgan o’quvchilari 4 ball , tashakkuri bilan rag’batlantiriladi.Darsda baholanmagan o’quvchi bo’lmasligi kerak. Bu usul ham individual,ham jamoa bo’lib ishlashga o’rgatadi. Bu usulni turli mavulardadarsgi darslarda qo’llash mumkin. “Asos va qo’shimchalar “,”Mustaqil va yordamchi so’z turkumlari “ yoki (adabiyot darslarida) 2 adabiy meros namunalari ,2 asar qahramonlari yoyinki 2 yoki 3 turkumga ajralishi mumkin bo’lgan mavzularda qo’llash mumkin.

“Chaqqon qo’llarmiz”usuli
O’quvchilar ikkala qo’l harakatiga asoslanib o’yin mashqini
bajaradilar.

1-tur savollari berilayotganda (yoki shunga doir so’z) aytilsa, o’ng qo’lini ko’taradilar. 2-turga oid savol (yoki so’z) aytilsa, ong qo’lini tushirib, chap qo’lini ko’taradilar. O’zga turga oid so’z yoki savol berilsa, ikkala qo’lini tushiradilar, yani to’g’ri holda o’tiradilar. Savol (yoki so’z) aytish usullari turlicha bo’lishi mumkin. O’qituvchi -va- deb aytadi, o’quvchilar –va- bog’lovchi ekanligini anglab, o’ng qo’lini ko’taradilar. O’qituvchi –uzra-deb aytadi,o’quvchilar –uzra- ko’makchi ekanligini anglab o’ng qo’lini tushirib ,chap qo’lini ko’taradilar.Notog’ri bajargan o’quvchi ogohlantiriladi, 2 bor xato qilsa ,mashqni bajarishdan to’xtatiladi. SHu usulda bir necha bor takrorlansa , to’g’ri bajarayotgan o’quvchilar saralanib qoladi.( Bu usul o’quvchilarni ham o’ylashga ,ham bajarishga o’rgatadi-yani bilim ,ko;nikma va malaka bir vaqtda umumlashadi.) Bu usulni oddiylikdan –so’zlarni aytishdan boshlab,mantiqiy o’ylashga –savollar berishga olib borish kerak.