O’zbekiston respublikasi xalq ta’limi vazirligi a. Qodiriy nomidagi jizzax davlat pedagogika instituti tarix fakulteti

Fanning o’quv rejadagi boshqa fanlar bilan o’zaro bog’liqligi va uslubiy 
jihatdan uzviy ketma-ketligi 
Mantiq to’g’ri fikr yuritish shakllari va qonun-qoidalarini o’rganuvchi fan sifatida 
ilmiy bilimlar sistemasida o’zining alohida o’rin va ahamiyatiga ega. 
Xususan, uni o’rganish ilmiy terminlar, tushunchalarni yaratish, qonunlarni 
o’rnatish, nazariyalarni qurish va asoslashning mantiqiy usullarini chuqur anglashga 
imkon yaratadi, ulardan barcha fanlarga oid masalalarni mantiqiy tahlil qilishda yaxshi 
samara beradi. 
Mantiq tafakkurni o’rganuvchi barcha fanlar, shu jumladan, falsafa va fan 
metodologiyasi, gnoseologiya, epistemologiya, germenevtika, psixologiya, pedagogika, 
tilshunoslik, matematika, informatika fanlari bilan uzviy bog’liq. 
Shuningdek, u boshqa barcha fanlar bilan hal etilishi zarur mantiqiy masalalar 
orqali bog’langan. 
Fanning ishlab chiqarishdagi o’rni 
Bugungi kunda yosh avlodni, mutaxassis kadrlarni zamonaviy fan yutuqlariga 
asoslangan falsafiy bilimlar, jumladan, mantiq ilmi bilan qurollantirish muhim ahamiyat 
kasb etadi. Yosh mutaxassislarning tafakkur madaniyatini shakllantirishga alohida 
talablar qo’yilmoqda. Shu sababdan, mantiq fanini o’qitish barcha ta’lim yo’nalishlarida 
ilmiy, ijodiy fikr yurituvchi mutaxassislarni tayyorlashda, ularning ilmiy terminlar 
asosida tushunchalarni ifodalash, qonunlarni o’rnatish, nazariyalarni qurish va 
asoslashning mantiqiy usullarini chuqur bilishlariga imkon yaratadi. Shuningdek, ularni 
barcha sohalarga oid masalalarni mantiqiy tahlil qilishga o’rgatadi. 
Fanni o’qitishda zamonaviy axborot va pedagogik texnologiyalar 
Mantiq fanini o’qitish jarayonida ilmiylik, tarixiylik, tizimlilik, obyektivlik 
tamoyillariga amal qilingani holda an’anaviy usullar, davra suhbati, klaster, matbuot 
konferensiyasi, bahs-munozara, aqliy hujum, prezentasiya kabi zamonaviy pedagogik 
texnologiya vositalaridan foydalanish maqsadga muvofiq.