O’zbekiston respublikasi xalq ta’limi vazirligi a. Qodiriy nomidagi jizzax davlat pedagogika instituti tarix fakulteti

 
MANTIQ FANI
 
SO’Z BOSHI 
 
Jamiyatni isloh qilishning hozirgi bosqichida oliy ta’limning oldida turgan muhim 
vazifalardan biri talabalarning mantiqiy fikr yuritish madaniyatini rivojlantirish, xususan, 
ularning mustaqil ijodiy fikrlash qobiliyatini takomillashtirishdan iborat.Uning 
dolzarbligi o’quv jarayonida yangi informasion texnologiyalarning qo’llanishi va 
umuman, ko’z o’ngimizda informasion texnologiyalarning shakllaniyotganligi bilan 
yanada ortadi. Mazkur vazifani hal etishning samarali vositalaridan biri talabalarni 
bilishning umummantiqiy metodlari, dalilli muhokamani yuritish usullari bilan 
“qurollantirish”dir. Mantiqning falsafiy fanlar blokiga kiritilishi, o’quv dasturlariining 
uzviylashtirilishi, muvofiqlashtirilishi bu ishni amalga oshirishni ancha osonlashtiradi. 
Mantiq falsafani xususiy-ilmiy bilish va amaliy hayotning barcha sohalari bilan 
bog’laydi. Xususan, u to’g’ri fikr yuritishning muhim tamoyillarini, me’yorlarini 
(me’yoriy qoidalarini) o’rganuvchi va yaratuvchi fan sifatida konkret bilim sohalari 
beradigan axborotlarni muntazamli tarzda mantiqiy tahlil qilishga, ayniqsa ularga 
konseptual jihatdan yondashgani holda umumlashtirishga va shu asosda olamning yaxlit 
manzarasini hosil qilishga, dunyoqarashning muhim tamoyillarini ishlab chiqishga 
yordam beradi.
Dastur oliy o’quv yurtlarining nofalsafiy ixtisoslari bo’yicha mutaxassis-bakalavrlar 
tayyorlaydigan fakultetlari, bo’limlarida mantiq fanini o’qitish uchun mo’ljallangan 
Ushbu ishchi dasturda Mantiq faniga oid barcha mavzular va tushunchlarga e’tibor 
qaratilgan. 
U o’z ichiga mantiqning kelib chiqishi, mohiyati, tafakkur shakllari, xukm, xulosa 
chiqarish va isbotlash va rad etish muammo, gepoteza va nazariya kabi ilmiy bilish 
shakllarini ham o’z ichiga qamrab oladi. 
Ishchi dasturda ma’ruza mavzulari, seminar mavzulari va mustaqil ishlar 
mavzulari ko’rsatib o’tilgan. Seminar mashg’ulotlari va mustaqil ishlarda ko’zda tutilgan 
mavzular, talabalarni nazariy bilimlarini mustahkamlash va ularni mantiqiy fikrlashini 
shakllantirishga yordam beradi.