O‘zbekiston respublikasi xalq ta'limi vazirligi a. Avloniy nomidagi xalq ta'limi tizimi rahbar va mutaxassis xodimlarini qayta tayyorlash va malakasini oshirish instituti

QR-kod – inglizcha “Quick Response” so‘zlaridan olingan bo‘lib, “tezkor javob” (быстрый отклик) ma'nosini beradi. Ushbu tizim 1994 yilda Yaponiyaning Denso-Wave kompaniyasi tomonidan yaratilgan.
QR-kod maxsus tarzda kodlangan qandaydir bir ma'lumot, kvadrat ko‘rinishidagi tasvir. QR-kod orqali belgilardan (lotincha, kirillcha, raqamlar va maxsus) iborat axborotlarni kodlash mumkin. Bunday axborotlar sifatida sayt manzili, elektron tashrifnoma (vizitka), telefon, elektron pochta manzili, biror obyektning joylashgan koordinatalari va shu kabi ma'lumotlar ishlatilishi mumkin. Bitta QR-kod 7089 ta raqam yoki 4296 ta harfni o‘z ichiga olishi mumkin.
QR-kodni yaratish uchun kerakli axborot o‘lchami aniqlangan holda tayyorlab olinadi va maxsus generator dasturidan foydalaniladi. Masalan, Qrcoder.ru saytini yuklab, on-layn tarzda yoki QR-Code Studio dasturini https://www.tec-it.com/ saytidan kompyuterga yuklab, ishga tushirish orqali QR-kodni yaratish mumkin.

QRCoder.ru
Hozirgi kunda kameraga ega zamonaviy telefonlar kvadrat ko‘rinishidagi tasvir ostida yashiringan QR-kodli ma'lumotlarni oson o‘qish imkoniyatini bermoqda. Buning uchun telefon kamerasini QR - kodga yo‘naltirgan holda, unda kodlangan ma'lumotga ega bo‘lishimiz mumkin.
Hozirda QR - kodni o‘qish uchun juda ko‘p dasturlar yaratilgan. QR kodni o‘qiydigan dasturni telefonga o‘rnatish uchun qidiruv tizimi maydoniga “QR code” tayanch iborani kiritib, Intenet tarmog‘idan yuklab olish mumkin.
Xalq ta’limi vazirligi IT-Nation loyihasini amalga oshirish hamda informatika o‘quv dasturlarini zamon talablariga moslik bo‘yicha qayta ko‘rib chiqishni boshladi.
O‘zbekiston Xalq ta’limi vazirligi bitiruvchilarni axborot texnologiyalari sohasidagi kasblar uchun zarur bo‘lgan dastlabki ko‘nikmalarga ega holda tayyorlash maqsadida informatika bo‘yicha maktab ta’lim dasturlarini qayta ko‘rib chiqishga qaratilgan IT-Nation loyihasini amalga oshirishga kirishdi. Hozirda o‘quv dasturlari dasturchilarni emas, balki tayyor dasturiy ta’minot foydalanuvchilarini tayyorlashga qaratilgan. IT-Nation loyihasi maqsadi — mazkur vaziyatni o‘zgartirish va bo‘lg‘usi dasturchilarni tayyorlash, bo‘lg‘usi kasbni o‘zlashtirish uchun imkoniyatlar yaratishdan iborat.
O‘zbekiston Respublikasi xalq ta'limi vazirining 2019 yil 21 maydagi “Khan Academy elektron platformasidan xalq ta'lim tizimida keng foydalanish va elektron ta'lim resurslarini amaliyotga joriy etish to‘g‘risida”gi 178-son buyrug‘i qabul qilindi. Ushbu platforma orqali barcha uchun va har joyda yuqori sifatli taʼlim 100% bepul taqdim etiladi (uz.khanacademy.org).

4.