O‘zbekiston respublikasi xalq ta’lim vazirligi

Muloqot faoliyat sifatida. Mehnat qurollaridan foydalanish usullari, ularning vazifasi haqida axborot berish vositasi sanalgan o’ziga xos «til»ga qarab mo’ljal olish inson faoliyatining zaruriy sharti hisoblanadi. Insonni bu mehnat qurollari bilan ishlashga tayyorlash, chunonchi: tegishli ko’nikmalarni shakllantirish va eng muhimi – faoliyat tajribasi va usullarini o’rgatish ham zarur. Bu ish yo namoyish etish, o’rnak ko’rsatish yoki faoliyatda ishtirokchilik orqali bevosita, yo til yordamida amalga oshiriladi. Shu sababli muloqot insoniy munosabatlar, umuman jamiyat hayotining muhim tomoni hisoblanadi. Bu odamlar o’z hayotida yo’l-yo’lakay shug’ullanadigan alohida faoliyat turi, inson hayotining ovloq burchagi emas, balki uning ijtimoiy munosabatlarga kirishish jarayoni yuz beradigan markazidir.