O'zbekiston respublikasi

Tayanch so‘z va iboralar: Poliefirli smola. Umumiy maqsadlarga 
ishlatiladigan poliefirli smola. Elastik va bikr poliefirli smolalar. Atmosfera va 
kimyoviy ta'sirga chidamli smolalar. Vinilkarbonli smolalar. Polibutanli smolalar. 
Epoksid smolalar. 
 
Poliefirli  smolalarning  xossalsri  va  ulardan  olinadigan  buym  va  detallar.  XX 
asrning  boshlarida  sanoatda,  jumladan  texnika  sohasida    smolalar  asosida  olingan 
materiallardan  foydalanila  boshlandi.    O’tgan  asrning  30-yillarida  amerikalik  olim 
K.Ellis  tomonidan  to’yinmagan  poliefirli  smolalar  asosida  erimaydigan  qattiq 
material  ishlab  chiqarish  g’oyasi  taklif  etilgan.  Bunda    poliefirli  smolaga  perekisli 
initsiator  qo’shish  taklif  etilgan  edi.  Keyinchalik  Ellis  tomonidan  to’yinmagan 
poliefirli  smolaga  vinilatsetat    yoki    stirol  kabi  monomerlarni  qo’shish  natijasida  
yanada  qimmatli  materiallar  ishlab  chiqarish  mumkinligi  aniqlangan.  Smolalarga 
manomerlarni  qo’shish  ularning  qovushoqligini  kamaytiradi.  Buning  natijasida 
suyultirilgan smolaga turli xil initsiatorlarni aralashtirish osonlashadi.   
To’yinmagan  poliefirli  smolalar  turli  xil  xususiyatlarga  ega.  Xona  haroratida 
suyuq smola uzoq vaqt (bir necha oy, hatto bir necha yil) qotmasligi mumkin. Lekin, 
unga perekisli initsiator qo’shilganda u bir necha daqiqa ichida qattiq holatga o’tadi. 
Bunda  hech  qanday    chiqinda  ajralib  chiqmaydi.  Smolani  qattiq  holatga  o’tishida 
issiqlik ajralib chiqadi. 
Poliefirli smolalar turli xil buyumlar ishlab chiqarishda foydalaniladi, jumladan, 
qurilish  panellari,    avtomobillar  va  samolyotlarning  detallari  va  boshqalar.  Bunday 
buyumlarni ishlab chiqarishda asosan sinchlovchi to’ldiruvchi  poliefirli smolalardan 
foydalaniladi.  Sinchlanmagan  smolalardan  esa  turli  xil  tugmalar,  su’niy  mramir, 
kuzov shpatlyovkasi va boshqa buyumlar ishlab chiqarishda foydalaniladi. 
  To’yinmagan  poliefirli  smolalarning  quyidagi  turlari  mavjud:  umumiy 
maqsadlarda  ishlatiladigan  poliefirli  smolalar;  elastik  poliefirli  smolalar;    bikr 
poliefirli  smolalar;  kam  cho’kindili  poliefirli  smolalar;  atmosfera  ta`siriga  chidamli 
poliefirli smolalar; kimyoviy ta`sirlarga chidamli poliefirli smolalar; issiqlik ta`siriga 
chidamli poliefirli smolalar. 
  Umumiy  maqsadlarda  ishlatiladigan  poliefirli  smolalardan  paddonlar,      suv 
saqlash  uchun  idishlar,  suyuqlik  bilan  ishlatiladigan  tizimlar  uchun  detallar  ishlab 
chiqarishda  foydalaniladi.  Elastik  poliefirli  smolalardan  ko’proq  mebel  ,  turli  xil 
tugmalar,  yog’och  materiallariga  rez  ba  ochish  uchun  qoliplar  tayyorlashda 
foydalaniladi. Bikr poliefirli smolalardan   zarb  ta`siriga  chidamli  bo’lgan  buyumlar: 
himoya niqoblari (shlemlari), avtomobillar va samolyotlar detallari ishlab chiqariladi. 
Kam  cho’kindili  poliefirli  smolalardan  avtomobillar  va  elektr  jihozlari  detallari 
tayyorlashda  foydalaniladi.  Atmosfera  ta`siriga  chidamli  smolalardan  qoplamalar, 

---

tashqi panellar ishlab chiqariladi. Kimyoviy ta`sirlarga chidamli smolalardan ishqorli 
va  kislotali  muhitlarda  ishlatiladigan    sig’imlar,  trubalar  va  boshqa  detallar  ishlab 
chiqariladi. Issiqlik ta`siriga chidamli smolalardan elektr jihozlari detallari,  panellari, 
harbiy kemalarning  korpuslarini tayyorlashda foydalaniladi.    
Vinilkarbon    kislotasining  murakkab  diefirlari  asosidagi  smolalar.    Vinilkarbon  
kislotasining  murakkab  diefirlari  (VKMD)  asosidagi  smolalar  termoreaktiv  polimer 
hisoblanadi.  Bunday  smolalar  toza  holda  (ya`ni,  qo’shimchalarsiz)  va  boshqa 
ingredientlar  bilan  aralashma  holida  ham  ishlatiladi.    Dastlabki  VKMDlar  o’tgan 
asrning  50-yillarida  laboratoriya  sharoitida  olingan  bo’lsada,  faqat  1965  yildagina 
«Shell  kemikal»  firmasi  tomonidan  dastlabki  «epokril  smolasi»  markasidagi  smola 
ishlab  chiqarish  yo’lga  qo’yilgan.    Bu  smolalarning  kimyoviy  turg’unligi  juda  ham 
Yuqori  bo’lib,    bu  jihatida  eng    sifatli  poliefirli  smolalardan  ham  yaxshi 
xususiyatlarga ega bo’lgan.  1966 yilda «Dau kemikal» firmasi tomonidan «Derakan»  
markali  smola  ishlab  chiqarilgan  va  bu  smolalardan  qoplamalar  hosil  qilishda 
foydalanilgan.    1977  yildan  boshlab  esa,  «Interpastik»  va  «Reychxold»  firmalari 
tomonidan mos ravishda «Koretsin» va «Korrolit» nomli VKMDlar ishlab chiqarila 
boshlangan. 
Hozirda Yuqorida nomlari keltirilgan firmalar texnologiyasi asosida Epokril-12, 
Epokril-370,  Koretsin  VE-8100,  Koretsin  VE-8300,  Derakan  411-S-50,  Derakan 
510A40, Korrolit 31-345 kabi markada VKMDlar ishlab chiqarilmoqda. 
VKMDlarni  90-150
0
S  haroratlarda  ishlatish  mumkin.  Ularni  cho’zilishdagi 
mustahkamlik  chegarasi  75-85  MPa,    buralishdagi  mustahkamli  chegarasi    120-135 
MPa.  
Ishlab chiqariladigan VKMDlarning   asosiy qismi kimyoviy ta`sirlarga chidamli 
bo’lgan trubalar va sig’imlar ishlab chiqarishda foydalaniladi. 
Polibutadienli  smolalar.  Polibutadienli  smolalar  -  bu  Yuqori  molekulyar 
uglevodorodli  termoreaktiv  smolalardir.    Ularning  elektrik  xususiyatlari  Yuqori 
darajada,  kimyoviy  ta`sirlarga  chidamliligi  yaxshi,  issiqlik  ta`siriga  yetarli  darajada 
chidamli,  namni kam shimadi va  initsiatorlar ishtirokdia tezda qotadi. Polibutadienli 
smolalar xususiyatlarini bu darajada yaxshiligi ularni turli xil maqsadlarda ishlatishga 
imkon  beradi.  Polibutadienli  smolalardan  asosan  qoplamalar,  yelimlar  va 
elektroizolyatsion kompaundlar tayyorlashda foydalaniladi. 
1955  yilda    «Buton»  nomli  polibutadienli  smola  ishlab  chiqarilgan.  Keyingi 
yillada  «Nisso-RV»,  «Dienit», «Rikon» kabi smolalar ishlab chiqarilmoqda. 
Epoksid  smolalarning  xossalari  va  ularning  qo`llanilish  sohalari.    Epoksidli 
smolalar-makromolekulasida 
epoksid  guruhi  bo’lgan  sintetik  smolalardir.  
Epixlorgidrinning fenollar, aminlar va boshqa moddalar bilan o’zaro ta`sirlashishidan 
hosil  bo’ladi.    Epoksidli  smolalar  ishqorlar,  Yuvuvchi  moddalar,  oksidlovchilar  va 
ko’pgina  anorganik  kislotalar  ta`siriga  chidamli,  Yuqori  mustahkamlikka,  yaxshi 
elektroizolyatsiya  xossalariga  ega,  kam  kirishadi,  yaxshi  yopishadi.  Epoksidli 
smolalar  ko’pchilik  tolasimon  kompozitlar  uchun  eng  yaxshi  bog’lovchi 
materiallardan  biridir.  Turli  xil  kompozitsion  materiallar  va  konstruktsion  detallar 
ishlab  chiqarishda  epoksid  smolalardan  keng  foydalaniladi.  Ulardan  germetiklovchi 
kompaundlar, press-kukunlar va yelimlar tayyorlashda ham foydalaniladi. 
  Ta`mirlash  korxonalarida  detallarni  tiklashda  ko’pincha  epoksid  smolalardan 
foydalaniladi. Ularni xona haroratida uzoq muddat saqlash mumkin.  Suyuq smolaga 
qotirgich  (u  qo’shilganda  polimer  qotadi)  va  plastik  xossalar  beruvchi  moddalar 

---

(plastifikatorlar)  qo’shiladi.  Q`orishmalar  150-200  g  dan  qilib  tayyorlanadi.  Ularni 
tayyorlangandan keyin 20-30 minut ichida  ishlatib Yuborish kerak. Epoksid smolalar 
bir-biridan molekulyar tuzilishi, massasi bilan, ular asosida tayyorlangan tarkiblar esa 
to’ldirgichlarning turi hamda miqdori bilan farq qiladi. 
  Bir-biriga  yaxshi  moslangan  metall  sirtlarini  biriktirish  uchun  to’ldirgichsiz 
tarkiblardan foydalanish mumkin. Agar cho’yan yoki po’lat buyumlardagi  darzlarni 
ta`mirlash  zarur  bo’lsa,  to’ldirgich  sifatida  temir  kukunini  yoki  tsement  qo’shilgan 
epoksidli smoladan  foydalanish  lozim. AlYuminiy  detallarni  ta`mirlashda  alYuminiy 
to’ldirgichli  smolalar  ishlatiladi.  Ularni  qizdirmasdan  sovuq  holatda  ta`mirlash  ham 
mumkin,  lekin  tarkib  darzni  yaxshi  to’ldirishi  va  unga  ilashishi  uchun,  smola 
surtishdan  oldin  detalni  60-80 
0
S  gacha  qizdirish  tavsiya  etiladi.  Yuqori 
mustahkamlikka  erishish  uchun  ta`mirlashni  Yuqori  haroratda  o’tkazish  zarur. 
Ta`mirlangan joy qotgandan so’ng unga mexanik ishlov beriladi. 
  Dala sharoitida epoksid smolalar asosida ta`mirlash uchun material va asboblar 
to’plami  (aptechkalar)  ishlab  chiqarilgan.  Tarkibdan  ozgina  miqdorda  (1-5  g) 
tayyorlash  uchun    idishlarga  solingan  smolalardan  foydalanish  mumkin.  To’plamda 
bunday  idishdan ikkita  bo’ladi, birida smola, plastifikator  va to’ldirgich, boshqasida 
esa qotirgich bo’ladi.  
 
1.1-jadval. Epoksidli tarkiblar va ularni ishlatilishi