O‘zbekisтon respublikasi

Mehnatda mayib bo‘lish – xodimning kasbga oid mehnat qobiliyatini ishlab chiqarishdagi baxtsiz hodisa oqibatida vaqtincha yoki turg‘un yo‘qotishi.

Noxush hodisalar – xavfli ishlab chiqarish obyektlarda ishlatilayotgan texnik qurilmalarning to‘xtashi yoki buzilishi (shikastlanishi), texnologik jarayon (rejimi) tartibidan og‘ishi, qonunchilik hujjatlarida, shuningdek sanoat xavfsizligi sohasidagi me’yoriy-texnik hujjatlardagi talablarning buzilishi.

Potensial hududiy xavf (yoki potensial xavf) – ko‘rib chiqilayotgan hudud nuqtasida shikastlovchi avariya omillarining yuzaga chiqish chastotasi.

Sanoat xavfsizligi – shaxs va jamiyat hayotiy muhim manfaatlarining xavfli ishlab chiqarish obyektlaridagi avariyalar va noxush hodisalar hamda ularning oqibatlaridan himoyalanganlik holati.

Sanoat xavfsizligi talablari – bu qonun hujjatlarida, shuningdek texnik hujjatlarda nazarda tutilgan shartlar, taqiqlar, cheklovlar va boshqa majburiy talablar bo‘lib, ularga rioya etilishi sanoat xavfsizligini ta’minlaydi.

Sug‘urta badallari – sug‘urta qildiruvchining mehnatga haq to‘lash fondidan sug‘urtalovchiga qonun hujjatlarida belgilangan tartibda va miqdorlarda amalga oshiriladigan ajratmalari.

Sug‘urta qildiruvchi – jismoniy shaxsni qonun hujjatlarida belgilangan tartibda mehnat shartnomasi (kontrakt) bo‘yicha ishga yollagan yuridik yoki jismoniy shaxs.

Sug‘urta hodisasi – ish beruvchining fuqarolik javobgarligini majburiy sug‘urta qilish shartnomasining amal qilishi davrida xodim o‘z mehnat vazifalarini bajarishi bilan bog‘liq holda mehnatda mayib bo‘lishi, kasb kasalligiga chalinishi yoki sog‘lig‘ining boshqacha tarzda shikastlanishi munosabati bilan xodimning hayoti yoki sog‘lig‘iga yetkazilgan zararning o‘rnini qoplash bo‘yicha ish beruvchining fuqarolik javobgarligi vujudga kelganligi belgilangan tartibda tasdiqlangan holat.