O‘zbekisтon respublikasi

Gruntning solishtirma qarshiligi va uni o‘lchash

Gruntning solishtirma qarshiligi elektr xavfsizligini ta’minlashda katta ahamiyatga ega. Chunki,, yuqorida ko‘rdikki, yerga ulash qurilmasining tok oqishiga bo‘lgan qarshiligining asosiy qismini gruntning tok oqishga bo‘lgan qarshiligi tashkil etadi. Gruntning solishtirma qarshiligi deb qirralari uzunligi 1 metr bo‘lgan grunt kubining tok oqishiga bo‘lgan qarshiligiga aytiladi. Bu qarshilik gruntning mexanik tarkibiga, namlik darajasiga, muzlaganligiga, tarkibida turli tuzlar va ionlar mavjudligiga va boshqa ko‘rsatkichlariga bog‘liq bo‘ladi. Grunt solishtirma qarshiligining o‘lchov birligi [Om·m].

Gruntning solishtirma qarshiligi loyihaviy qidiruv vaqtida, elektr qurilmalari, transformatorlari uchun yerga ulash qurilmalari quriladigan hududda va elektr tarmoqlarining birinchi ishlash yilida o‘lchanadi.
Gruntning solishtirma qarshiligi uning xususiyatlariga bog‘liq holda maxsus jadvaldan ham aniqlanishi mumkin. Quyidagi 4.5 – jadvalda turli gruntlar va suvning o‘rtacha solishtirma qarshiliklari keltirilgan [35].
4.5 – jadval

Тurli gruntlar va suvning o‘rtacha solishtirma qarshiligi

Gruntning nomi	Solishtirma qarshilik, Om·m.
Тoshloq grunt (qoya)	4000
Qum grunt	500-700
Supes (qumloq)	200-300
Loy grunt	100
Daryo suvi	100
Grunt suvi	50
Dengiz suvi	3

Quyida gruntning solishtirma qarshiligini asboblar yordamida o‘lchashning ikkita usulini qarab chiqamiz [34, 35].