O‘zbeкiston respubliкasi

Farqlash tamoyili nutqimizdagi shakli va talaffuzi bir-biriga yaqin so‘z va morfemalarni yozuvda farqlashni talab etadigan yozuv qoidasi. Masalan: otli – otlik, to‘nli – to‘nlik, paltoli – paltolik, yondosh – yondash, qism – qisim, rosa – raso, tanbur – tambur va h.k.
Shakliy yozuv. So‘zlarni shakliy yozuv asosida yozish – qaysi xalqning tili yoki grafikasidan olingan bo‘lsa, o‘sha etimologik yoki grafik holatini saqlab qolish. O‘zbek tili leksikasida arab, fors-tojik, rus, ingliz tilidan o‘zlashgan qator so‘zlar mavjud bo‘lib, o‘zbek xalqi talaffuzida ular o‘ziga xos tarzda qo‘llanilishi mumkin. Ammo shakliy yozuv qoidasiga muvofiq ularning o‘zlari mansub tildagi etimologiyasi saqlab qolgan holda yoziladi. Masalan, muallim – ma:lim, maorif – mo:rif, Saodat – So:dat, Muhiddin – Mo‘ydin, go‘sht – go‘sh, baxt – bax, fikr – fikir, hukm – hukum, stol – ustal, stansiya – istansa va h.k.
Orfografiyaning ko‘rib o‘tilgan yozuv qoidalaridan fonetik va morfologik tamoyil o‘zbek tilidagi so‘z va qo‘shimcha birikuvi natijasidagi fonetik hodisalarni, tarixiy-an’anaviy va farqlash tamoyillari ba’zi so‘zni va qo‘shimchani qanday yozishni me’yorlashtirsa, shakliy yozuv faqat boshqa tillardan o‘zlashgan so‘zni qanday yozishni o‘rgatadi. Lekin ayni vaqtda ko‘rib o‘tilgan yozuv qoidalari orasida o‘zaro bog‘liqlik mavjud, ular bir-birini to‘ldirish uchun xizmat qiladi.