O‘zbekiston respublikasi turizm va sport vazirligi jismoniy tarbiya va sport bo‘yicha mutaxassislarni qayta tayyorlash va malakasini oshirish instituti

Yuqori natijalar sporti. 
Yuqori natijalar sporti yoki katta sportning 
rivojlanish dinamikasini O‘zbekiston terma jamoalarining xalqaro sport 
musobaqalari, Olimpiya va Osiyo o‘yinlaridagi yutuqlari asosida kuzatish 
mumkin. Mustaqillik yillarida O‘zbekiston sportchilari ko‘pgina nufuzli 
xalqaro sport musobaqalarida faol ishtirok etib kelmoqdalar. 
O‘zbekiston jahonda sport jadal rivojlanayotgan mamlakatlar 
qatoridan mustahkam o‘rin oldi. Ayniqsa, O‘zbek kurashini o‘rganish va 
o‘rgatish borasida respublika murabbiylari Hindiston, Janubiy Afrika 
Respublikasi, Avstraliya, Afrika, Amerika va yеvropa qit'alariga borib 
kelishmoqda. O‘z navbatida barcha qit'alarning rasmiy vakillari 
51
Jismoniy tarbiya va sport sohasidagi me’yoriy huquqiy hujatlar to’plami.T.:2016.- 195 b. 

---

180 
O‘zbekistonda bo‘lib, kurash va boshqa sport turlari bo‘yicha tajribalar 
almashishmoqda. Bu esa sportchilarning xalqaro turnirlar, o‘rtoqlik 
uchrashuvlari va boshqa musobaqalarni tashkil qilishga zamin 
tayyorlamoqda.
2004-yilda Rustam Qosimjonov Jahon shaxmat federatsiyasi – FIDE 
yo‘nalishi bo‘yicha jahon chempioni bo‘ldi. Iroda To‘laganova eng nufuzli 
Uimbldon turnirida g‘olib chiqqan, o‘zbek bokschisi Abbos Atoyev 2007-
yil AQShning Chikago shahrida o‘tkazilgan jahon birinchiligida o‘z vaznida 
chempion bo‘lgan.
O‘zbekiston terma jamoalarining xalqaro sport musobaqalari, 
Olimpiya, Osiyo, Paralimpiya va Paraosiyo o‘yinlaridagi erishgan 
natijalarining qiyosiy tahlili shuni ko‘rsatadiki, mustaqillikdan avval 
O‘zbekistondan 10 ta yozgi Olimpiya o‘yinlarida 59 nafar sportchi ishtirok 
etgan bo‘lsa, mustaqillikdan keyin birgina Atlanta shahrida bo‘lib o‘tgan 
Olimpiya o‘yinlarida mamlakatimizning 76 nafar sportchisi qatnashdi.
Mustaqillik yillarida futbol bo‘yicha Jahon chempionatlari tarixida 
eng ko‘p o‘yinlarni boshqargan Ravshan Irmatov Jahonning eng yaxshi 
hakami nomzodiga sazovor bo‘ldi, sportchilarimiz Server Jeparov - 
Osiyoning eng yaxshi futbolchisi, Rustam Qosimjonov - shaxmat bo‘yicha 
jahon chempioni, Dilshod Mansurov - erkin kurash bo‘yicha jahon 
chempioni, Ruslan Nurudinov - og‘ir atletika bo‘yicha jahon chempioni, 
Abdusattarov Nodirbek, Sindarov Islom va Sindarov Javohir -shaxmat 
bo‘yicha Jahon chempionlari unvonlariga ega bo‘ldilar.
O‘zbekiston sportchilari mustaqillik yillarda xalqaro sport 
musobaqalarda muvaffaqiyatli ishtirok etib, ko‘plab medallarni qo‘lga 
kiritganlar.
Jismoniy tarbiya va sport rivojining moliyaviy ta’minlanishini 
O‘zbekiston Respublikasi Birinchi Prezidentining “Jahon chempionatlarida 
yuqori natijalarga erishgani uchun O‘zbekiston Respublikasi sportchilarini 
mukofotlash tartibini takomillashtirish to‘g‘risida”gi 2008-yilgi Farmonida 
ko‘rish mumkin.
 
 
 
 
 
 
 
 

---

181 
12-jadval