O‘zbekiston respublikasi turizm va sport vazirligi jismoniy tarbiya va sport bo‘yicha mutaxassislarni qayta tayyorlash va malakasini oshirish instituti

Xotin-qizlar sporti.
O‘zbekiston dunyoning 125 davlati orasida 
xotin-qizlar uchun qulay sharoitlar yaratish va onalikni muhofaza qilish 
borasida yеtakchi o‘rinlardan birini egallab turibdi. Jahon reytingida 
mamlakatimiz ona va bola salomatligiga eng ko‘p g‘amxo‘rlik 
ko‘rsatayotgan 10 ta davlat safidan joy oldi. Aholi genofondini yaxshilash 
borasida amalga oshirilayotgan chora-tadbirlar natijasida ayollarning 
o‘rtacha umri 66 yoshdan 73,5 yoshga uzaydi. Onalar va go‘daklar o‘limi 3 
barobar kamaydi. 
O‘zbekiston Respublikasi Vazirlar Mahkamasining “Oilada tibbiy 
madaniyatni oshirish, ayollarning sog‘ligini mustahkamlash, sog‘lom avlod 
tug‘ilishi va uni tarbiyalashning ustuvor yo‘nalishlarini amalga oshirish 
chora-tadbirlari to‘g‘risida”gi Qarorida «Sog‘lom avlod uchun» sovrini 
uchun qizlar o‘rtasida sport musobaqalari, shu jumladan sport 
musobaqalarini tashkil etish va o‘tkazish vazifasi davlat organlariga 
50
Jismoniy tarbiya va sport sohasidagi me’yoriy huquqiy hujatlar to’plami.T.:2016.- 220 b. 

---

179 
yuklatilgan. Respublika hududlarida O‘zbekiston Xotin-qizlar qo‘mitasi 
tashabbusi bilan 2005-yildan boshlab “Gimnastika barcha uchun” sport 
festivali, “Otam, onam va men sportchi oila”, “Sog‘lom ayol – sog‘lom 
jamiyat” shiori ostida sport musobaqalari tashkil etilib, ularda har yili 500 
mingdan ortiq xotin-qizlar ishtirok etmoqda. 
Mamlakatimizda ayollarga xos sport turlarini rivojlantirish, sport bilan 
shug‘ullanishni aholining kundalik turmush tarziga aylantirish va shu orqali 
ayollar salomatligini asrash, ayolda o‘z sog‘ligiga bo‘lgan masuliyatni 
kuchaytirish, sog‘lom avlod tug‘ilishini ta’minlash masalasi ustuvor 
vazifalardan biriga aylandi. 
O‘zbekiston Davlat jismoniy tarbiya institutida “Xotin-qizlar sportini 
rivojlantirish yo‘nalishi” tashkil etilib, yuqori malakali ayol trenerlar va 
jismoniy tarbiya o‘qituvchilarini tayyorlash ishlari yo‘lga qo‘yilgan.
Bugungi kunda umumta’lim maktablarida 25169 nafar jismoniy 
tarbiya o‘qituvchilari, shundan 6763 nafari ayol, bolalar va o‘smirlar sport 
maktablarida esa jami 9983 nafar murabbiylar, shundan 2536 nafari ayol 
murabbiylar faoliyat ko‘rsatmoqda. 2015-yilda bolalar sporti ob'ektlaridagi 
murabbiy-o‘qituvchilar soni 10612 nafar, jumladan ayollar 2 809 nafarni 
(26,5 foiz) tashkil etadi.
Shundan ma’lumoti darajasi bo‘yicha – oliy ma’lumotli murabbiylar 
5045 (47,5 foiz), ulardan ayollar 1327 nafari ayollar (47,2 foiz) tashkil 
etadi.
51 
O‘zbekiston Respublikasi Vazirlar Mahkamasining 2010-yil 1-aprelda 
qabul qilgan “Qishloq joylardagi bolalar sport ob'ektlarida band bo‘lgan 
ayol sport ustozlari mehnatini rag‘batlantirish chora-tadbirlari to‘g‘risida”gi 
qarori muhim ahamiyat kasb etdi. Bunda qishloq joylarda faoliyat 
ko‘rsatayotgan ayol jismoniy tarbiya o‘qituvchilari va murabbiylar ish 
haqiga 15 foiz qo‘shimcha ta’riflar berish belgilandi.