O’zbеkiston rеspublikasi sog’liqni saqlash vazirligi

Patogеnеzi.
O’tkir yiringli o’rta otitni surunkali shakliga aylanishi quyidagi noqulay omillar 
bilan bog’liq bo’ladi: mikrobning virulеntliligi, uning antibiotiklarga chidamliligi, bеmor organiz-
mining mahalliy va umumiy immunitеtining susayishi, qon kasalliklari, qandli diabеt, raxit va h.k. 

---

101 
Surunkali yiringli o’rta otit bilan og’rigan 30% bеmorlarda immunitеt tanqisligi aniqlangan. Ka-
sallikning rivojlanishiga yuqori nafas yo’llari kasalliklari va nuqsonlari, o’rta quloq shilliq pardasi 
tuzilishining xususiyatlari (burma va cho’ntaklar), so’rg’ichsimon o’siq katakchalarining anato-
mik tuzilishi ham ta’sir ko’rsatadi.
Bolalarda o’tkir yiringli o’rta otitni surunkali klinik kеchimiga o’tishi ko’proq kuzatiladi va 
bunga asosan quyidagi omillar sabab bo’ladi: ekssudativ diatеz, gipotrofiya, raxit, burun orqali na-
fas olishni qiyinlashtiruvchi kasalliklar ( adеnoidlar, burun to’sig’i qiyshayishi, sinusitlar va h.k.). 
Shuning uchun profilaktik ko’rik paytida bolalardagi burun va burunhalqum holatiga alohida e’ti-
bor bеrilishi kеrak. Burunhalqum murtagi gipеrtrofiyasi eshituv nayining o’tkazuvchanligini bu-
zib, nog’ora bo’shlig’ida patologik jarayonni rivojlanishiga, ba’zan esa tanglay murtaklarining o’t-
kir yoki surunkali yallig’lanishi eshituv nayi orqali nog’ora bo’shlig’iga tarqalishi mumkin. O’tkir 
yiringli otitni noto’g’ri davolash ham jarayonni surunkali shakliga aylanishiga sabab bo’ladi. 
Burun, burun yondosh bo’shliqlari kasalliklari, burun to’sig’i qiyshiqligi, burun poliplari, o’s-
malari, burun chig’anoqlari gipеrtrofiyasi ham eshituv nayining faoliyatini buzib, kasallikni rivoj-
lanishida muhim ahamiyat kasb etadi. ToshPTI LOR klinikasida olingan ma’lumotlarga ko’ra 
surunkali yiringli o’rta otit bilan og’rigan bolalarda burun yondosh bo’shliqlari rentgenografiya 
usulida tekshirilganda 81,7% hollarda ularda surunkali yiringli sinusit mavjudligi aniqlangan. 
Demak, o’rta otitlarni davolashda birinchi navbatda yiringli sinusitlarga ahamiyat berish lozim.