O‘zbekiston respublikasi sog‘liqni saqlash vazirligi

Kamfora surtmasi

Unguentum camphoratum

Tarkibi

Kamfora - 10,0 g.

Suvsiz lanolin - 30,0 g.

Vazelin - 60,0 g.

Ishlatilgan asbob-uskunalar va yordamchi materiallar

1. Ichki tomoni sirlangan ikki qavatli reaktor.

2. Elektron tarozi, kamfora, suvsiz lanolin, oq vazelin.

3. Tayyor maxsulotni solish uchun idish.

4. 200 mkm li elaklar.

5. Kamfora surtmasi uchun laboratoriya reglamenti.

6. Tuba to‘ldiruvchi avtomat.

7. Gaz-suyuqlik xromatografi.

8. Tibbiyot paxtasi va doka.

Ishni bajarish tartibi

“Farmtex” MCHJ farmatsevtik ishlab-chiqarish korxonasining texnologi M.K.Mirzaev boshchiligida №070316 seriyadagi 100 kg kamfora surtmasi tayyorlandi. Laboratoriya reglamentida keltirilgan umumiy material balans quyidagicha

Olindi, kg	Xosil bo‘ldi, kg
Kamfora substansiyasi 10	Kamfora surtmasi 96
Suvsiz lanolin 30	Yo‘qotishlar 4
Oq vazelin 60
Jami 100	Jami 100

Kamfora substansiyasi uchun material balans quyidagicha edi

Olindi, kg	Xosil bo‘ldi, kg
Kamfora substansiyasi 10	Surtma tarkibidagi kamfora 9,4
	Yo‘qotishlar 0,6
Jami 10	Jami 10

Buning uchun reglament bo‘yicha oldindan teshigining diametri 200 mkm li elakdan o‘tgan kamfora substansiyasidan 10,0 kg, suvsiz lanolindan 30,0 kg, oq vazelindan 60,0 kg elektron tarozida o‘lchab olindi. Ikki qavatli reaktorning bug‘ qavatlariga issiq bug‘ yuborilib, 60-70⁰S gacha qizdirildi. Reaktorga oq vazelin solib, uni aralashtirib turgan xolda suyuqlantirildi, so‘ng reaktorga suvsiz lanolin solib, bir xil oq momiq massa xosil bo‘lguncha yaxshilab aralashtirildi. Unga kamfora solindi va 30 daqiqa davomida 60⁰S xaroratda aralashtirildi. So‘ng massa issiq xolda doka orqali nutch filtrdan suzildi. Sifat nazorat bo‘limi xodimlari tomonidan surtma tarkibidagi kamforaning miqdori aniqlanganda, kamforaning surtma tarkibidagi miqdori 6% va olingan surtmaning umumiy og‘irligi 92 kg ekanligi aniqlandi. Tayyor surtma massasi tubalarga qadoqlanmadi.

Surtma nima uchun qadoqlanmadi?

Surtmani ishlab chiqarishda qanday xatoliklar bor?

Surtmani regeneratsiya qilish mumkinmi?