O‘zbekiston Respublikasi Sog‘liqni Saqlash Vazirligi ToshkentTibbiyot Akademiyasi Tibbiy-pedagogika fakulteti

3.Fanlararo va fanlar ichidagi bog‘liqlik.

Ushbu mavzuni o‘qitishda talabalarning Anatomiya, Gistologiya embriologiya va sitologiya bilan, Biologiya, Ma’yor fiziologiya, Bioximiya,. Patologik anatomiya, Patologik fiziologiya, Topografik anatomiya va operativ xirurgiya, Propedevtika ichki kasalliklar , Tuberqo‘lez,. Onkologiya, Rentgenologiya va tibbiy radiologiya, Fizioterapiya, Endokrinologiya, Fakultet terapiya, Gospital terapiya, Ortopediya fanlari asosidagi bazis bilimlariga tayanadilar.

4 Mashgulot tarkibi

4.1. Nazariy qism

Isitmalashning yuqumli tabiatli ekanligiga shubha tug‘ilsa UAV ularning qaysi guruhga mansubligini aniqlashi lozim: bakterial, parazitar yoki virusli. Ba’zan bakterial va virusli infeksiya birga kelishi mumkin (mikst-infeksiya).

Bakterial infeksiyali isitmalashda tana harorati yuqori ko‘tarilishi asosan kechki vaqtga to‘g‘ri keladi. Qayta qaltirash, kuchli terlash, umumiy qon taxlilida – leykotsitoz, tayoqcha yadroli chapga siljigan neytrofilez, EChTning oshishi, toksik donodor neytrofillar bo‘lishi mumkin. Shuningdek ba’zan bemor lablarida gerpes kuzatiladi.

Virusli infeksiyali isitmalashda epidemiologik anamnezni aniqlashtirish muhim ahamiyatga ega. Ular ko‘picha burun-xalqum yallig‘lanish belgilari va teridagi toshmalar bilan birga kechadi. Kam holatlarda esa qaltirash ham kuzatiladi va ularda umumiy intoksikatsiya belgilari ustun turadi. Umumiy qon taxlilida leykopeniya, neytropeniya xisobiga chapga siljish ammo EChT sezilarli o‘zgarmaydi.

Parazitar infeksiyali isitmalash o‘ziga xos klinik belgilar bilan kechib, ularni tashxislashda har bir tur uchun maxsus tashxisiy uslublar qo‘llaniladi.