O`zbekiston respublikasi sog`liqni saqlash vazirligi toshkent farmatsevtika instituti

Tadqiqot ob’ektlarining xarakteristikasi.Har bir sinaluvchi va standart ob’ekt 
o‘rnatilgan  tartibda  identifikatsiyaga  va  umumiy  qabul  qilingan  xalqaro  nomga  ega 
bo‘lishi  kerak    (misol  uchun,    kodga  ega  bo‘lmog‘i  kerak,  CAS-nomeri  (Amerika 
kimyo  jamiyatining  kimyoviy  adabiyotlar  bo‘yicha  axborot  xizmatining  qayd  etish 
raqami),      nomi,  biologik  parametrlari,    IUPAC  (Xalqaro    nazariy  va  amaliy  kimyo 
birlashmasi nomenklaturasi bo‘yicha nomi).   
Har bir tadqiqotni o‘tqazish uchun sinaluvchi va standart ob’ektlarning  partiya(seriya)  
raqami,  tozalik  darajasi,  tarkibi,  konsentratsiyasi  va  boshqa  zarur  ko‘rsatkichlari 
haqida ma’lumotlar bo‘lishi shart.  
 Agar sinaluvchi ob’ektlar to‘g‘ridan to‘g‘ri xomiydan olinsa, unda sinov markazi va 
xomiy ularni identifikatsiya qilish mexanizmini ishlab chiqishi shart. 
Har  bir  tadqiqot  jarayonida  tekshiriluvchi  va  standart  ob’ektlarning  barqarorligini, 
tajribani olib borish davrida saqlash jarayonida, tekshirib turish zarur. 
Agar sinaluvchi ob’ekt ma’lum bir sharoitda ishlatish uchun mo‘ljallangan bo‘lsa, uni 
bir  xilligi,  konsentratsiyasi  va  turg‘unligi  shu  sharoitda  aniqlanishi  kerak.  Dala 
sharoitida  o‘tqaziladigan  tajribalarda  bu  xususiyatlar  alohida  laboratoriya  tajribalari 
vaqtida aniqlanadi. 
 Har  bir  tadqiqot  uchun,  qisqa  muddatli  tekshiruvlardan  tashqari,  tekshiriluvchi 
ob’ektlarning har bir partiya(seriya)sidan taxlil uchun namuna saqlab ko‘yish shart.