O’zbekiston respublikasi sog’liqni saqlash vazirligi tibbiy ta’lim rivojlantirish markazi

Aholini jon boshiga mablag' bilan moliyalashtirishning uchta varianti 
mavjud: 
Birinchi variant - "fondga ega bo'lish huquqisiz", bu holda aholi jon boshiga 
ishlab chiqilgan normativni aniqlashda faqat birlamchi tibbiy-sanitariya tizimi 
muassasalari uchun tasdiqlangan xizmatlar hisobga olinadi. Bu holda pasient 
mavjud muassasada faqat birlamchi tibbiy-sanitariya yordamini davlat tomondan 
belgilangan hajmda oladi va zaruriyat tug'ilganda ixtisoslashtirilgan ambulatoriya 
va  stasionar  muassasalariga  yuboriladi. Bunda  birlamchi tibbiy-sanitariya 
muassasasi va boshqa davolash-profilaktika muassasalar orasida hech qanday 
o'zaro hisob o'tkazilmaydi. 
Birinchi variantdan farqli ravishda aholi jon boshiga moliyalashtirishning 
ikkinchi va uchinchi varianti fondga ega bo'lish tamoyillarini o'z ichiga oladi. 
Ikkinchi variant - qisman fondga ega bo'lish. Agar muassasa qisman fondga 
ega bo'lish tamoyili asosida moliyalashtirilsa unda to'liq o'zining va qisman 
ixtisoslashtirilgan muassasalarning  mablag'ini oladi. Bu  holda  muassasaga 
tanlashga ruxsat beriladi: u zarur bo'lganda ixtisoslashgan muassasalarga 
davolanish uchun yuborilishi mumkin yoki uning o'rniga o'zida davolashi mumkin. 
Uchinchi variant - to'liq fondga ega bo'lish, bu holda biriktirilgan aholining 
har biriga birlamchi tibbiy-sanitariya muassasasi to'liq moliyalashtiriladi va bu 
mablag' birlamchi, ikkilamchi va uchlamchi darajalarda ko'rsatiladigan barcha 
xizmatlar uchun ajratiladi, ya'ni barcha turdagi ixtisoslashtirilgan ambulatoriya va 
stasionar xizmatlari uchun. 
Qisman va to'liq fondga ega bo'lish tamoyilini qo'llash ko'p qiyinchiliklar 
tug'diradi, chunki o'z navbatida birlamchi tibbiy-sanitariya muassasasi va tibbiy 
xizmat ko'rsatiladigan boshqa muassasalar orasida aniq hisob-kitob tizimini 
kiritishni taqozo qiladi. Bu vaziyatni nazarda tutgan holda islohotlarni olib borish 
jarayonida fondga ega bo'lish elementlaridan xolis bo'lgan birinchi variantda 
to'xtaldi. 
Bugungi kunda QVP faoliyati O'zbekiston Respublikasi Sog'liqni saqlash 
vazirligining