O’zbekiston respublikasi sog’liqni saqlash vazirligi tibbiy ta’lim rivojlantirish markazi

I. Tibbiy muassasalarning aholi salomatlini mustahkamlash - 
profilaktikaga yo’naltirilgan asosiy 
faoliyati  (Sanalogiya va Valeologiya, Sog'lom turmush tarzi, SEN ishi) 
mavzusiga 
 
Maqsad: 
-Sog'liqni saqlash tizimining asosiy yo'nalishlari - profilaktikani aniqlash; 
-Sanalogiya  va  valeologiya,  sog'lom  turmush tarzining ahamiyatini 
tushuntirish; 
-Sanitar targ’ibotning ilmiy asoslari va asosiy tamoyillarini tushuntirish, 
-Aholi salomatligini  mustahkamlashga  yo’naltirilgan sanitar  targ’ibot 
ishlarini asosiy tamoyillari bilan tanishtirish 
 
Mazmuni 
 
Tibbiyotda davolash ishlari bilan bir qatorda birinchi o’rinda kasallikni kelib 
chiqishini, shikastlanishlarni, baxtsiz xodisalarni, zaharlanishlar va boshqalarni 
sabablarini oldini olish ya'ni profilaktika egallaydi. Ba'zi olimlar aytishicha, 
profilaktika so’zi grekcha prophilacticos so’zidan olingan bo'lib, kasallikdan 
saqlanish,  o’tkazib yubormaslik, ogohlantirish ma'nosini anglatadi. 
Odatda profilaktik tadbirlar ogohlantiruvchi deb, profilaktik tibbiyotni esa 
ogohlantirilgan deb  yuritiladi. (prevetion inglizcha ogohlantirish ma'nosini 
anglatadi). 
Tibbiyotda profilaktika -har taraflama keng tarqalgan faoliyat  bo'lib, u 
kasalliklarni  va  jarohatlarni  sabablarini  aniqlashga   yo’naltirilgandir. 
Profilaktikaning individual (shaxsiy) va jamiyat turlari mavjud. Olib boriladigan 
profilaktik tadbirlar qaysi yo'nalishda bajarilishiga ko'ra profilaktika birlamchi, 
ikkilamchi va uchlamchi bo'lishi mumkin.