O’zbekiston respublikasi sog’liqni saqlash vazirligi sh. S. Shoyimova, M. K. Xoshimova, sh. R. Mirzayeva, M. M. Qo’ziboyeva ta’lim texnologiyalari

Muallif – masofaviy kursni yaratuvchi, uni yangilovchi va tahrirlovchi shaxs.
Uslubchi – masofaviy kurs muallifiga maslahatlar beruvchi va kursni tahrirlovchi shaxs.
O’qituvchi- talabalar bilan o’qish jarayonida muloqotda bo’luvchi va ularga yordam beruvchi hamda ularning bilimlarini tekshiruvchi shaxs.
Ruhshunos – o’qish jarayonining psixologik monitoringini tashkil qiluvchi shaxs.
Administrator – talabalarni qabul qilish va o’qishdan chetlashtirish masalalarini hal qiluvchi va o’quvjarayoniga malakali o’qituvchilarni jalb qiluvchi shaxs.
Hujjat yurituvchi – hujjatlar bilan ishlovchi shaxs.
Telekommunikatsiya va dasturiy ta’minot guruhi – dasturlar va telekommunikatsiya resurslari ishini ta’minlovchi shaxslar.

Masofaviy ta’lim ma’lumotlar bazalari.

Learning Space – o’qituvchiishtirokida har bir talabaga alohida yo’l yo’riq berish ta’minlangan va guruhiy ishlash uchun virtual maydon yaratilgan model asosida ishlaydi. Tajribalarning ko’rsatishicha eng yuqori natija o’qituvchirahbarligidagi guruhlarda
qayd etilgan. Beshta maxsus ma’lumotlar bazasi Schedule'>Lotus Notes
talabalarga masalalarni yechish, muhokama qilish va mashg’ulotlarda ishtirok etishga imkoniyat yaratadi.
Schedule ma’lumotlar bazasi tizimning markaziy modeli hisoblanib, o’quv kursi mazmuni, dasturi va mashg’ulot maqsadini yoritib beradi. Talabalarga o’quv materiallari va masalalarni ko’rishga, testlarda ishtirok etishga, masalalarni yechishga va tadqiqotlar o’tkazishga imkoniyat yaratadi. Schedule ma’lumotlar bazasi o’qituvchi tomonidan tuzilgan o’quvkursi tarkibini yoritadi. Media Center ma’lumotlar bazasi maqolalar, yangiliklar, kitob bo’limlari, referat va ma’lumotlarni saqlash uchun xizmat qiladi. U orqali World Wide Web setiga va boshqa ma’lumotlar tashqi manbalariga kirish mumkin. Media Center boshqa qo’shimcha ma’lumotlarni ham saqlashga imkon beradi, jumladan talaba o’zining shaxsiy imkoniyatlari hamda qobiliyatlaridan kelib chiqib, mustaqil izlanishlar olib borishi ham mumkin.
Course Room ma’lumotlar bazasi interaktiv muhitni yaratadi va talabaga boshqa talabalar hamda o’qituvchi bilan bahs yuritishga, birgalikda masalarni yechishga, topshiriqlarni bajarishga imkoniyat yaratadi.
Profiles ma’lumotlar bazasi talabalar va o’qituvchilar to’g’risidagi hamda muloqot uchun zarur ma’lumotlarni (manzil, telefon nomeri va b.), rasmlarni va o’quvkursining borishi to’g’risidagi ma’lumotlarni o’z ichiga oladi. Bunda talabalar o’zaro virtual uchrashishlari ham mumkin.