O’zbekiston respublikasi sog’likni saqlash vazirligi toshkent tibbiyot akademiyasi farg’ona filiali «Kimiyo va biologiya»

 
O‘quv fanining dolzarbligi va oliy kasbiy ta’limdagi o‘rni 
Fan dasturi O‘zbekiston Respublikasi Davlat ta’lim standarti va bakalavriat 
ta’lim yo‘nalishi malaka talablariga asoslangan holda tuzilgan. Ushbu dastur 
o‘qitish jarayonida zamonaviy pedagogik texnologiyalarni qo‘llagan holda talabani 
boshlang‘ich amaliy ko‘nikmalarni o‘quv laboratoriyalarda bajarishga o‘rgatib, 
orttirilgan ko‘nikmalarni zamonaviy tibbiy texnologiyalar orqali klinik amaliyot 
bilan uyg‘unlashtirishga imkon yaratadi.
Bu dasturni amalda bajarish uchun talabalar tibbiy kimyo, tibbiy biologiya, 
umumiy genetika, biofizika, anatomiya va boshqa fanlardan etarlicha ma’lumotga 
ega bo‘lishlari lozim. 
Ushbu fan tirik organizmlar tarkibiga kiruvchi moddalar kimyoviy tarkibini, 
ularning o‘zgarishini, shuningdek bu o‘zgarishlarning a’zo va to‘qimalar faoliyati 
bilan bog‘liqligini o‘rganuvchi fan bo‘lib, talabalarda mutaxassislikka oid tafakkur 
va dunyoqarashni shakllantirishda katta ahamiyatga egadir. Fanning vazifasi 
organizmda kechayotgan metabolik jarayonlar, ularning asoslari, qonuniyatlarini 
o‘zlashtirib, meyoriy biokimyoviy ko‘rsatkichlarni bilishni, ularni aniqlashni, 
bo‘lajak umum amaliyot shifokori uchun juda zarur odam fiziologik vazifalarining 
molekulyar asoslari, kasalliklar patogenezining molekulyar mexanizmlari, 
kasalliklarining oldini olish va davolashning biokimyoviy asoslari, kasalliklarni 
tashxis qilish va davolash samaradorligini nazorat qilishga o‘rgatishdan iboratdir. 

O‘quv fanining maqsadi va vazifasi
Biokimyo fanini o‘qitishdan 
maqsad - 
biokimyoning hozirgi 
kun yutuqlari asosida talabalarda materialistik dunyoqarashni shakllantirish; 
talabalarni umumnazariy bilim kompleksiga o‘rgatish, tirik organizmning 
kimyoviy tarkibi va butun organizmning faoliyat ko‘rsatish jarayonida me’yorda 
va patologik holatlarda a’zo, hujayra va molekulyar bosqichlarda vujudga 
keladigan o‘zgarishlar to‘g‘risidagi bilimlarni shakllantirish.